کوسموشم
Kusmuşəm
Kusmuşəm birdə barişmam daha yalvarma mənə
Təkliğin layiqisən get bala yalvarma mənə
Neçə il nazivi çəkdim vəli sən zülm elədin
Indi də ey daş ürək dön daşa yalvarma mənə
Mənim ağlar gözumə rəhm eliyib hən demədin
Indi gər göz yaşin axsa çaya yalvarma mənə
Yalvarirdim səni mən , sən çövururdun üzuvi
Indi də keçmişi sən sal yada yalvarma mənə
Sən ozün daşlamisan bağda gülün bulbuluni
gələ bulməz yenə bülbül bağa yalvarma mənə
Dedim gəl bahəm olaq sadə dutub xoş yaşayaq
Sevmədin pəs daha get tək yaşa yalvarma mənə
Şair : Vəhid Şukurzadə
کوسموشم
کوسموشم بیرده باریشمام داحا یالوارما منه
تکلیغین لاییقی سن گئت بالا یالوارما منه
نئچه ایل نازیوی چکدیم ولی سن ظولم ائله دین
ایندی ده ای داش اورک دؤن داشا یالوارما منه
منیم آغلار گؤزومه رحم ائلییب هن دئمه دین
ایندی گر گؤز یاشین آخسا چایا یالوارما منه
یالواریردیم سنی من ، سن چؤووروردون اوزووی
ایندی ده کئچمیشی سن سال یادا یالوارما منه
سن اُوزون داشلامیسان باغدا گولون بولبولونی
گله بولمز یئنه بولبول باغا یالوارما منه
دئدیم گل با هم اولاق ساده دوتوب خوش یاشایاق
سئومه دین پس داحا گئت تک یاشا یالوارما منه
شاعیر : وحید شکرزاده
