آختاریرام

 

 

Axtariram

 

Bir dənə yar axtariram cismimə can axtariram

 

Nə gözəl olsun nə maral eşqi qanan axtariram

 

Nazli nigar eşqə duçar sevməli yar məst o xumar

 

Bir mənə tay daş ürəgi dərdə salan axtariram

 

Məzhəbi islam özi pak olgusu zəhraye əli

 

Gəlbi dəniz gözləri ox qaşi kaman axtariram

 

Qəddi yuz atmişdan uca lab da uca yox balaca

 

Böylə muşəxxəsat da bir ğunçə dəhan axtariram

 

eynəki yox vəzni arix həmdə ki bir bolli şulux

 

Təcrubə si dağca vəli yaşda cavan axtariram

 

Duzli şirin çox vəfali TURK qizi da olmalidi

 

Qoy ki diyim sadəsini durre zəman axtariram

 

Şair : Vəhid şukrzadə

 

 

آختاریرام

 

بیر دنه یار آختاریرام جیسمیمه جان آختاریرام

 

نه گوزل اولسون نه مارال عشقی قانان آختاریرام

 

نازلی نیگار،عشقه دچار،سئوملی یار،مست و خمار

 

بیر منه تای داش ئورگی عشقه سالان آختاریرام

 

مذهبی اسلام اُوزی پاک الگوسو زهرای علی

 

قلبی دنیز گؤزلری اُخ قاشی کامان آختاریرام

 

قدّی یوز آتمیش دان اوجا،لاب دا اوجا یوخ بالاجا

 

بویله موشخصات دا بیر غنچه دهان آختاریرام

 

عینکی یوخ وزنی آریخ همده کی بیر بوللی شولوخ

 

تجروبه سی داغجا ولی یاشدا جاوان آختاریرام

 

دوزلی شیرین چوخ وفالی تورک قیزی دا اولمالی دی

 

قوی کی دییم ساده سینی دورّ زمان آختاریرام

 

شاعیر : وحید شکرزاده

 

 

 

 

شعری شاعیرین سسینده ائشیدین

 

دانلود