ایسته ییرم + وحید شکرزاده

ایسته ییرم

بیر دنه یار ایسته ییرم ، دردیمه درمان اولسون

منی مجنون ائتسین ، اؤزو لیلی دوران اولسون

گؤزلری آهو گؤزو ، قاشلاری دا اَیری کامان

باخیشلارین اُخ تک آتیب ، گؤزلریم حیران اولسون

گولوشو نازلی شکر ، لبرلری بالدان دا شیرین

باخدیقجا او تایسیز یارا ، کونلوم پریشان اولسون

قد و قامت نومره ییرمی ، یئریشی جانلار آلان

کاشکی بو دیلبریم هر گون ، قلبیمه مهمان اولسون

سسی سازلی سؤزو آوازلی اولان دوزلو نیگار

منی سئودیکجه بو جانسیز اؤلو جیسمه جان اولسون

دیلینه عاشیق اولان ، یوردو اوچون جاندا وئرن

جانانا هر نه واریم همده جانیم قوربان اولسون

شاعیر : وحید شکرزاده

شیطان اورکلی ملک + وحید شکرزاده

شیطان اورکلی ملک

 

آیریلیقا حسرت اولان ، بوگون سنه موبارک

آیریلمیشیق سئوینگینن ، چال سازینی وور بزک

سئومه دین هئچ واخت منی سن ، سؤیله جانیم اوتانما

عاشیقیدیم من سنه ، عشقینده یاندی بو اورک

ایندی گزیرسن غیریله ، سن منی چوخدان آتدین

هئچ یادیندا ایکیمیز ، ال اله توتموشدوق دیلک

همانکی گون دوغوم گونون ، آی اولدوزلو او گئجه

وئرمیشدیم سئوگیله بیر غزل بیر هدیه بیر چیچک

آنلاشیلان اونوتموسان هم منی هم خاطیره می

منده اونوتموشام سنی شیطان اورکلی ملک

لاییق دئیلدین نه منه نده گؤزل سئوگیمه

اورگتدی سئودا داحا کیمسه نی سئومییم گرک

شاعیر : وحید شکرزاده

تورکون مارالی

تورکون مارالی

قلبیمه سولطان ، تورکون مارالی

ندن گزیرسن ، مندن آرالی ؟

کونلوم اولوبدور ، ای یار یارالی

عشقینه سولطان ، آختارسان منم

دوزلو بیر اوغلان ، آختارسان منم

گؤزل دئیلم ، بلکه گؤزونده

گیزلتمه سؤیله ، بونو سؤزونده

گؤزللیک گرک ، اولسون اؤزونده

گؤزلرن حیران ، آختارسان منم

جان وئرن جانان ، آختارسان منم

قیزیلدان ائویم ، یوخدور دیلداریم

باهالی ماشین ، یوخودا واریم

اورتا قازانجلی ، اینسانام یاریم

حلال چالیشان ، آختارسان منم

خوشبخت یاشادان ، آختارسان منم

اوزلو دئیلم ، گئچم قاباغان

اوپوجوک قویام ، گؤزل یاناغان

اولا محبت ، کونلونده یاغان

سندن اوتانان ، آختارسان منم

تک سنه باخان ، آختارسان منم

مجنون دئیلم ، چوللرده گزم

فرهاد دئیلم ، داغلاری دلم

کرم دئیلم ، دیللره دوشم

سؤزونده دوران ، آختارسان منم

عاشیق دوران ، آختارسان منم

اینانما بیر گون ، دیلیمی آتام

آنا دیلیمی ، اؤزگه یه ساتام

تورکو دیلیمه ، باشقا دیل قاتام

یوردونا یانان ، آختارسان منم

وطنه قوربان ، آختارسان منم

شاعیر : وحید شکرزاده

یاشا تیراختور + وحید شکرزاده دن تورکی شعر تراختور حاقیندا

یاشا تیراختور

قارتال تیراختور ، بیزلره جان سان

وور گل لاری وور ، سن گل ووران سان

قوردلار دره سی ، یاشاسین سسی

سن قودرتینی ، بیزدن آلان سان

یوز مین طرفدار ، سسلر اوجالار

یاشا تراختور ، سن قهرمان سان

هر تیم کی اولسا ، دیفایا دولسا

جیریخ یئرینی ، تئز تئز تاپان سان

دالیندا میللت ، ائیله سن هیممت

تیم لر ایچینه ، قورخو سالان سان

هر گون اودورسان ، بیزه غرورسان

آذربایجانا ، قیزیل نیشان سان

شاعیر : وحید شکرزاده

 

گئتدی گؤردوم + تورکی شعر

گئتدی گؤردوم

الیمدن هرنه واریم گئتدی گوردوم

یانیمدان نازلی یاریم گئتدی گوردوم

غمیندن قاره گیمیشدی زمانه

قان آغلیردی دیاریم گئتدی گوردوم

یوموبدی گوزلرین اصلا اویانمیر

بو گوزلر گوزلریندن هیچ دویانمیر

ندن منسیز گئدیر بیر آن دایانمیر

داها صبریم قراریم گئتدی گوردوم

 

غمیندن باغچالاردا سولدو گوللر

سارالدی گورنه پرپر اولدی گوللر

گلیب افغانه زولفون یولدو گوللر

خزان اولدو بهاریم گئتدی گوردوم

 

او گئتدی گویده سوسدو یئرده سوسدو

قلم قان آغلادی دفترده سوسدو

اورکده دوزمدی بو درده سوسدو

الیمدن ایختیاریم گئتدی گوردوم

 

بساطین قورسادا فصل زمستان

گلنده هریئر اولموشدو گولستان

گئدنده سوسدو جومله باغ و بستان

چوخالدی آه و زاریم گئتدی گوردوم

 

سوروردوک عمری بیز شاد و خرامان

بیزی شن گورمگه قیسقاندی دوران

قارا یئل اسدی ویران اولدی هریان

منیم دارو نداریم گئتدی گوردوم

شاعیر : قادیر بابائی

صداقتیم وار + تورکی شعر

صداقتیم وار

من سئویم،سن سئومه،قوی بئله اولسون-

سنه سئو دئمگه نه جورأتیم وار؟!

اورک اؤزونون دور،اؤزون بیلرسن،

منیم سه عهدیمه صداقتیم وار.

من تک سئون هانی سنی دونیادا،

باشیمدان گئتمه ییر منیم بو سئودا.

اؤلسم ده آچمارام سیرریمی یادا،

سنه،یار،سندن،یار،شیکایتیم وار.

یاخشی تانیمیرسان منی هله سن،

یار،سالدین عاشیقی دیلدن-دیله سن.

نئیله ییم،من بئله،سن سه ائلسن،

سنه،یار،سندن،یار،شیکایتیم وار.

اشعار ترکی روی سنگ قبر – مزار داشی اوچون تورکی شعرلر

تورکی شعرلرمزار داشی اوستونه

اشعار ترکی برای سنگ قبر

بو شعرلر چوخالاجاقلار اگر سیزده بو شعرلردن بیلیرسیز حتما کامنت قویون و منه یازین تا بوردا یازیم و هاممی فایدالانسین بیرده بو شعرلر آنا و آتا اوچون عوض اولا بیلر و آتا شعرلرینی آنا اوچون ده یازماق اولار و برعکس

حتمن اوز شهریزین قبریستانلیقیندا اولان تورکی شعرلردن منه گؤندرین تا بوردا قویام

------------------------------

آی آنا جان سنین تایین تاپیلماز

یاخجیلیغین سؤزه گلیب یازیلماز

دونیانیدا اللریمه قویسالار

سنسیز آنا بیر شاهیدا ساییلماز

------------------------------

آتا جان آلدی الیمدن سنی ظالیم بو فلک

گؤز یاشیم سئل تک آخیر دوزمورو هیجرانه اورک

بیلمه دیم قدرینی من دونیادا اولدوقجا سنین

ایندی حسرتله دوزم آیریلیقا منده گرک

--------------------------------

گئتمیسن سن قالمیشیق غمده آتا

قویموسان بیزلری ماتمده آتا

نه قدر یاخجیلیغیندان دئسم آزدی

یوخ سنه تای بوتون عالمده آتا

----------------------------------

آتا عالمده عجب بیر باهالی نعمتیمیش

سایه سی سایه دگیرمیش برکت رحمتیمیش

حیف اولا گئتدی الیمدن بو ایشیقلی چیراغیم

هر نفس چکماغی واللاه واریمیش دولتیمیش

------------------------------------

توپراق ايچينده بير دوردانا ياتيبدير
توپراق ايچينده بير خوش سونا ياتيبدير
سٶزون دوزو، ملك اينسان جيلدينده
بوردا بير مئهريبان آنا ياتيبدير

---------------------------

ائي دده گره ك آغلاييم
سن اوچون ااوره ك داغلاييم
بو فلك بيزي آييردي
اونا بير ده بئل باغلاييم؟

------------------------------

ياشاديم دونيادا من ده بير موددت
ائتديم باجارديقجا نئچه نصيحت
مقصديم وئرمك ايدي دوز يولو نيشان
آللاها تاپشيريب گٶچدوم دونيادان

----------------------------------------

سني فرزانه لر آتدي
قاپيپ ديوانه لر توتدو
كيمي آلدي، كيمي ساتدي
يالان دونيا، يالان دونيا

----------------------------

آغلا آنام آغلا
قوي گٶز ياشينلا مزاريم اوستونده گوللر سولانسين
ائله بير نعره چك تيتره سين يئر گٶي
غفلت يوخوسوندان خالقيم اويانسين
داغلارين قوينوندا آچان گول ايديم
سورمايين آی دوستلار، واختسيز سولموشام
آزاد ائتمك اوچون آزربايجان´ي
من وطن يولوندا شهيد اولموشام
----------------------------
سوس يوخلايير!
----------------------------
زييارتدن موراد دوعادير
بوگون منه، يارين سنه دير
----------------------------
بير چيچك ايديم دونيادا
آچانمادان قيريلديم
----------------------------
آغلارسا آنان آغلار
اٶزگه سي يالان آغلار
----------------------------
جاهاندا كيمسه قالماز، جومله فاني
قالير ايتامينا آه-و فغاني
----------------------------
عاقيبت سن ده گليرسه ن بو صيراطين باشينا
حضرت-ي آدم كيمي گيرسه ن هزاران ياشينا
كيمسه يه باقي دئييلدير بو جاهان ظيلل-ي خيال
غفلت ايله آلدانيب مئيل ائتمه قلب نققاشينا
عاقيبت اولسان گره كدير سن ده مٶحتاج-ي دوعا
اوخو بير قاچ فاتيحه، بخش ائيله دين قارداشينا
ائي برادر باخ منه، يئتمه ز مي هئچ عيبرت سنه؟
شمع-ي ناميم بير نيشان اولدو مزاريم داشينا
----------------------------
بير گول-ي دونيا ايديم اصلينده من
ايشته قوندوم خاك-ي قبره من ده تن
بير وفاسيز، اصلي يوخ دونيا ايميش
ائيله ديم كام آلمادان ترك-ي وطن
هاردا قالدي بونجا آلاييشلاريم
اون سكيز ياشيندا گييديكده كفن
من غريبه م، گلديم ائي ربب-ي غفور
مغفيرت قيل مني، لوطف ائيله سن
----------------------------
بو مزارلار درس-ي عيبرت يئرلري
غفلتي آت، گٶر اٶلومو، اٶلومو
گٶر نيشانسيز ياتان سولطان ارلري
قولاغين آچ، دوي اٶلومو، اٶلومو
جان ملكه يي تسليم آلميش جانلاري
معمور ايكن ويران اولموش خانلاري
هم چوروموش تورپاق اولموش تنلري
سٶيله شيرلر، بيل اٶلومو اٶلومو
----------------------------
يا رب بو نه اٶلوم، بو ناصيل ظولوم
آه ديييب ده آغير باشلار آغلايير
چيچه يي بورنوندا، سولان بو گولوم
تورپاغا قاريشان ساچلار آغلايير

جان دايانير مي بئله بير زارا
قالدي قييامته منده كي يارا
دور مزارچي، قازما وورما مزارا
سن گٶرمه زسين داشلار آغلايير

اٶتمه بولبول اٶتمه باغلار ياسليدير
بوگون آردانوشدا چايلار ياشليدير
قالان بير كرمدير، گئده ن آسليدير
اووالار، يايلالار، كٶشكلر آغلايير

افكاري سن غمسيز قالمازسين بير گون
اورتادا بير تابوت، بو ناصيل دويون
هر كيمين اوزونه باخدييسام بو گون
چكيلير اوره كلر، ايچلر آغلايير

(افكاري)
----------------------------
بيز دونيادان گئده ر اولدوق
قالانلارا سلام اولسون
بيزيم اوچون خئيير دوعا
قيلانلارا سلام اولسون

اجل بوكه بئليميزي
سٶيله تمه يه ديليميزي
خسته ايكن حاليميزي
سورانلارا سلام اولسون

تنيم اورتايا آچيلا
ياخاسيز گٶمله ك بيچيله
بيزي بير آسان وجهيله
يويانلارا سلام اولسون

صيلا وئريله قصديميزه
گئده ر اولدوق دوستوموزا
ناماز اوچون اوستوموزه
دورانلارا سلام اولسون

آشيق يونوس سٶيله ر سٶزون
ياش دولدورور ايكي گٶزون
بيلمه يه نلر نه يي بيلميش
بيله نلره سلام اولسون
----------------------------
گلدي گئچدي عٶمروم منيم
شول يئل اسيب گئچميش كيمي
هله منه شٶيله گلدي
گٶزوم يوموب آچميش كيمي

ايشته بو سٶز حاق تانيقدير
بو جان گٶوده يه قونوقدور
بير گون اولا چيخا گئده
قفسدن قوش اوچموش كيمي

بير خسته يه واردين ايسه
بير ايچيم سو وئردين ايسه
يارين آندا قارشي گله
حاق شارابين ايچميش كيمي

يونوس ائمره بو دونيادا
ايكي كيشي قالير دئرلر
مگر خيضير ايلياس اولا
آب-ي حيات ايچميش كيمي
----------------------------
بير چيچك ايديم دونيادا
آچامادان قيريلديم
----------------------------

سن ده ايسته ردين ايشيقلانديراسان ائل يولونو
اولان اينسان ييخيلاندا توتاسان ساغ سولونو

الده ميفتاح-ي فضيلت چاليشيردين بلكه
آچاسان درده گيريفتار اولانين ال قولونو

اوستومه اسدي يامان يئل، نئجه كسدي خولومو
قيشا دٶنده ردي يازيم، قازدي قوپارتدي كولومو

ائل اوبا چوخ دا گليب آغلاييب اسكيلتدي غميم
ولي من چوخ سئويره م سنسيز اولاندا اٶلومو

------------------------------------

سن گئده رسه ن آدين قالار
دوستلار سني خاطيرلايار
دويون اولار، بايرام اولار
دوستلار سني خاطيرلايار

------------------------------

گليملي گئديملي دونيا،

سون اوجو اٶلوملو دونيا

----------------------------

ان سونوندا اٶلومدور سئوگيليم
ايسته ر
ييرتيجي اللرده اولسون
ايسته ر
گٶزلرينين ايسلاق ياتاغيندا
ان سونوندا اٶلومدور سئوگيليم

یالان سئودا

یالان سئودا

بیلیردیم سئومه گین یالان اولاجاق

 

قوردوغون ایلقارلار تالان اولاجاق

 

عشـــقینی الینــدن آلان اولاجــــاق

 

آی منی غربت ده گولوم سسله یه ن

 

یالانچی سوزلر له منی بسله یه ن

 

 

سنی سئومه گیمه كوسدوم اوُزومدن

 

غصه لی اورگیم توشدو دوزومدن

 

اللریم گوز یاشیم سیلمیر اوزومدن

 

اوُزومون اوُزومدن آجیغــــیم گلیر

 

گئچمیشلر اوخ اولوب باغریمی دَلیر

 

 

قانا باتمیش كونلوم تئز سئودی سنی

 

سئویملی گوزله رین اوُلدوردی منی

 

دولدوردی كدرین كونلومه چـــنی

 

سنی گورن آندان تالان اولموشام

 

گوزله ری یوللاردا قالان اولموشام

 

 

كونلومون كورپه سی غملی آغلاییر

 

آغلاییر سئوگیلر باغرین داغلاییر

 

گینه ده سنـــینله پئیمان باغلاییر

 

گوُللری بوراخیب "صوناسیز" گئدن

 

كونلومی سئومك دن پَشیمان ائدن

دیلیم - هوشنگ جعفری

دیلیم

دیلیم یالقیز ، دیلیم یالقیزدیر آی قیز

اوغول شیرین ولی قیز بالدیر آی قیز

آماندیر اوزاق دورما تورکون دیلیندن

اوکی اصلین دانار کال قیزدیر آی قیز

بیزیم تورکون دیلی گول دن ظریف دیر

بوتون دیللر دال اولسا بو الیف دیر

ادب ده علم ده هر بیر هونرده

سیز آللاه تورکلره کیم لر حریف دیر

وارلیقدا بوتون وار یوخوموز شعر و غزل دیر

هر بیر غزلی اللی آرا تورکه مثل دیر

من جعفری ام سؤز یازارام تورکو دیلینده

تورکون بالاسی تورک اولا عالمده گؤزل دیر

شاعیر : استاد هوشنگ جعفری

تورکی شعرلر اوشاقلار اوچون

تورکی شعرلر اوشاق لار اوچون

الیفبا

الیفبانی   اؤیره   ندیم

تانی   ییرام    حرفلری

هئچ الیمده ن قویمارام

كیتاب  ،  قلم  ، دفتری

ایندی    آنـا     دیلیمده

اوْ   خویورام   ،  یازیرام

كیتاب  لاردان   بیلك لر

اؤیره  نمه یه  حاضیرام

«بختیار وهابزاده»

معللیم

ای    حورمتلی   معللیم

هر   اوره كده   یئرین وار

هر كند ده  هر شه هرده

سنین  مئیوه    لرین  وار

اكدی   یین     آغاجلارین

گولو  چیچه یی  سولماز

دونیا دا    سنین   كیمی

بارلی   حیـات    تاپیلماز

«بختیار وهابزاده»

اوشاق  و  بوز

ده رسه گئدن بیر اوشاق

چیخدی بوز اوسته قوچاق

سوروشدو   بیرده ن  بیره

دوشدو  اوز  اوسته   یئره

دور دو  اوشاق  نئیله دی

بوزا   بئله  سؤیله   دی :

سن   نه  یامانسان  آبوز

آدام      ییخانسان    آبوز

آز قالیب  عؤمرون  سنین

یـاز   گلـر    آرتـار   غمین

اری ییب  سویا  دؤنرسن

آخیب  چایا   گئده  رسن

«علی اكبر صابیر»

معاصیر ادبیاتمیزدان بیر شعر:

یاغدی یاغیش نارین- نارین،

اریتدی داغلارین قارین،

گولون دردیك ایلك باهارین،

سنین یئرین گؤرسنیردی.

 

چیچكله كؤچدو،چیچك آچدی،

قاتار- قاتاردورنااوچدو،

یاسمنلرعطیرساچدی،

سنین یئرین گؤرسه نیردی.

 

سئیره چیخدی بوتون ائللر،

جمع الموشدوقرنفیل لر،

قوورائیله دیكجه نیسگیل لر،

سنین یئرین گؤرسه نیردی.

 

كؤك ائیله دی عاشیق سازین،

آدین چكدی خان ایوازین،

اوجالدیقجاسازآوازین،

سنین یئرین گؤرسه نیردی.

 

سؤزلرینده اوشاقلارین،

گول اوزلوآل یاناقلارین،

سیراسیندا قوناقلارین،

سنین یئرین گؤرسه نیردی.

 

پوزولوردو غصه،كدر،

اوره ییمدن آخشام،سحر،

دیرلدیكجه خاطیره لر،

سنین یئرین گؤرسه نیردی.

 

بایرام گونوشن حالیمدا،

سئوینیردی ماحالیم دا،

منیم شاعرخیالیمدا،

سنین یئرین گؤرسنیردی.

 

شهرك میرزا

كؤنول سازی

كؤنول سازی ، دیلله ننده

تئل لر گولر، ساز دانشیار

باهار فصلی ، طبیعته

نفس گلر ، یاز دانیشار

شادلیق اولار ،‌بوتون ائلده

چوبان نئی یین ، چالار چؤلده

محببت له ، دولان گؤلده

اؤرده ك اوزه ر ، قاز دانیشار

«ناصری» یم‌، سؤزوم حاق دیر

سانكی یاشیل ، بیر یارپاق دیر

ائلده  قایدا  ،  بو سایاق دیر

چوخ  دوشونن   ،  آزدانیشار

«علی ناصری»

آذربایجان

من بیر اوشاق ، سن بیر آنا

او دور كی باغلی یام سانا

هانسی سمته هانسی یانا

هئی اوچام دا یووام سن سن

ائلیم گولوم اوبام سن سن

داغلاری نین باشی قاردیر

آغ اؤرپه یین بولودلار دیر

بؤیوك بیر كئچمیشین واردیر

بیلینمه ییر یاشین سنین

نه لر چكمیش باشین سنین

سیرا داغلار گئن بره لر

اوره ك آچان منظره لر

جئیران قاچار جویور مه لر

نه چوخدور اویلاغین سنین

آرانین یایلاغین سنین.

«صمد وروغون»

قوربان بایرامی اوچون تورکی شعر

قوربان بایرامی

 بايرام اولجاق ، شؤوكتلي لر ، شانلي لار ،

دؤولتلي لر ، پوللولار ، ميليانلي لار ،
تير بويونلار ، شيش قارينلار ، جانلي لار ،
قوربان كسير خليل الله عشقينه ،
فاغير – فوغور گزير الله عشقينه .

ايكي قونشو بير – بيرينين ميللتي ،
هر ايكي سي بير پيغمبر اوممتي ،
بيري كسير قوربان ، بيشيرير اتي ،
بايرام ائدير خليل الله عشقينه ،
او بيرسي ده باخير الله عشقينه .

بو قونشونون اوغلو گئيير ، ساللانير ،
قالستوكو تاخير قيراخماللانير ،
آتاسي دا اونا باخيب حاللانير ،
فخر ائله يير خليل الله عشقينه ،
ال جيبه سالمايير الله عشقينه .

گؤرورسنمي بيزيم حاجي پيريني ،
پايلامايير اتين اوندان بيريني ،
قونشو سورور بارماغينين كيريني ،
حاجي يئيير خليل الله عشقينه ،
ياتير ، شيشير ، كؤپور الله عشقينه .

دئديم حاجي گؤزل ايشين بيريسين ،
ديققت ائله ايره لي سين ، گئري سين ،
وئر مكتبه قويونلارين دري سين ،
علم اوخوسون خليل الله عشقينه ،
چوجوقلاري شاد ائت الله عشقينه .

دئدي بيزده دري وئرمك سيناغي ،
يوخدور ، وئرسم اوللام آرواد قيناغي
باسديريريق اوندا خمير چاناغي ،
بركت دير خليل الله عشقينه ،
ساخلاييريق ائوده الله عشقينه .

صابیر

خوش گونلریم یاخیندادیر

آذربایجان اودلو ائلیم
بالدان شیرین توركو دیلیم
دالغالاندیریر منیم سئلیم
هیمته قوربان من اولوم.

آسلان كیمی نعره چكه ن
نامردلرین قدین بوكه ن
بابك كیمین رهبر سئچه ن
جراته قوربان من اولوم.

قوی دئییم بیر بابك`یمدن
اؤز یوردومون ار تكیندن
دوشمنلری قیر كؤكوندن
میللته قوربان من اولوم.

جاوانلارین غئیرتی وار
قوجالارین حؤرمتی وار
گئچمیش ائلین عیزتی وار
عیزته قوربان من اولوم.

ساوالان تك داغلاریمیز
چیچكلیدیر باغلاریمیز
كوراوغلوموز٬ نیگاریمیز
قامته قوربان من اولوم.

سازلی صؤحبتلی آشیقلار
اینسانلارا جان باغیشلار
قوی قار یاغسین هم یاغیشلار
صؤحبته قوربان من اولوم.

سرین – سرین بولاقلارین
قویونلارین٬ قوزولارین
یاشیل باشلی سونالارین
قیرآت`ا قوربان من اولوم.

پئیمانه لر دول-ها-دولا
ایگیدلرین ساغدان سولا
جان وئره ریك بیز بو یولدا
قدرته قوربان من اولوم.

یورولماسین ائللریمیز
هئچ سولماسین گوللریمیز
لال اولماسین دیللریمیز
نییته قوربان من اولوم.

دومان داغلار باشیندادیر
بوزقوردلاریم یانیندادیر
خوش گونلریم یاخیندادیر
شؤوكته قوربان من اولوم.

بورا آذربایجان اودلار یوردودور

بورا آذربایجان اودلار یوردودور

سانما یوخلاییبدیر سس سیز سمیر سیز

 

دئمه چؤکوب شهره اؤلوم قورخوسو

 

گئجه نی دالغا سیز یاشایان دنیز

 

سحره گؤرورو توفان یوخوسو

 

باخیشلار پایلاشیر مین بیر گیزلینی

 

دوداقلار سوسسادا کؤنوللر دویور

 

یوز ایللر بوکمه ییب ارکین بئلینی

 

هله ده وارلیقین ، ائلین قورویور

 

بوز گؤلون مورگولو گؤروب آلدانما

 

ساوالان کؤکسونده جوشان وولکاندیر

 

گؤردوگون قارا گون بو ائل بو تورپاق

 

ایگیدلر بئشیگی آذربایجان دیر

 

بو یئرده آرخانی گؤره ن گؤزلر وار

 

هامارلار اوچوروم دؤنوملر دوزدور

 

بو یئرده یایئنی چکن سازلارین

 

سنگری ماهنی لار اوخلاری سؤزدور

 

آتیلان قورشوندور هر بیر بایاتی

 

ستارخان توفنگی بو گون قلم دیر

 

بیلگی یاراقینا ساریلان اوزان

 

کؤکسونده قوپوزو قورقود  ده ده م دیر

 

بو یئرده بئشیکده ن باشلانیر دؤیوش

 

گئچیلمز یوللاری آشیر لایلالار

 

قارانلیق گئجه لر قودوراندا قیش

 

اومود باغچاسیندا گول له نیر باهار

 

آزادلیق هایقیران بابک قالاسی

 

چاغلا ایاقلاشان سینماز اوردودور

 

سوسماز نسیمی سسی سویا رلارسا دا

 

بورا آذربایجان اودلار  یوردودور

آنا و آتا مقامی اوچون تورکی شعر

آنا و آتا

هئچ بیلیـــــرسن نیه خاطـــــر آنانین قیمتی وار؟

چــون کــــی دنیاده محبت ده اونون شهرتی وار

خلقتین رابطه سینده باخــــــــاسان هر کتابـــــــا

گـــــــؤروسن هر ورقــــینده آنانین صحبتی وار

بالا عشقینـــــــــــــده یانار شوقولا پروانه کیمی

یانمــــــاغا سانکی ازل گوندن اونون عادتی وار

آنانیــــــن لفظی قــولاقیمدا ائله بیـرموسیقی دیر

نــــــه قـــــــدر اولسا مـــــکرر یئنه ده لذتی وار

آتانین دا مقـــامندان دئین اولســـــــــا بیــــلینـــر

یاشـــــــایش ساحـــــــه لــــــرینده نه اهمیتی وار

فکر ائــــــده نده آتا خـالق  سا ییلیر ائــــولاد ینا

چــون کی هر معلونون اؤز نسبتی جه علتی وار

هر بلانین قاباغــــــــیندا آتا قالـــــخان کیمیـد یر

قـــــدرتینــــــدنــــــدی کــی جمعیتین امنیتی وار

آتــادان  یاخشــــی صفتلر هـــره سی بیر طرفه

بــــو کفــــــــایتدی او انسان کیشینین غیرتی وار

دئمــک اولماز آنــانین رتبه سی چوخدور آتادان

بـیـــــر بیــریله اولارین ایسته گینین  نسبتی وار

آختاریر هر بیــــــری ائــــــولاده سعادت یولونو

کیـــــــم سعــــــادت بشره آرزو ائده حرمتی وار

قهرمــــانـــــد یر او اوغـــــــول کی آتا ئیلا آنایا

فــــــرق قــــــویماز ایـکیسی لنده صمیمیتی  وار

رشوه سیز دوستو دئیبلر بولارین هر بیــــــرینه

گـئتســــــه الده ن بو عزیزلر نه قدر حسرتی وار

نئئجه کی من چکیرم هر گجه گؤندوز حســرت

نـــــعمتین قـــــــــدرینی بیلمز بیریکی نعمتی وار

داریــخاندا دئییــــــرم کاش گله لر بیر یوخــوما 

گؤره لر ایندی " سخا " نین نه آغیر محنتی وار

یاشیل احساسلی - حمیده رئیس زاده ، سحر خانیم

یاشیل احساسلی

 

گئنه نیسگیل لئچگین سالدی خزان

اچمامیش غنچه لری چالدی خزان

منی ده جایناغینا آلدی خزان

یاشیل احساسلی چمن ساخلا منه

..

یالانا دوزلوک اوخو ائتسه اثر

گول بیتیب ، غنچه گولوب ، آچسا سحر

بیرده گؤرکملی اوره ک گؤرسن اگر

او اوره کلرده وطن ساخلا منه

..

سؤزلرین سینه لره کؤز قالادار

دویغونون توشگولو کؤزدن جالادار

اونداکی سؤز گونشی چالخالادار

سؤزده اولدوز کیمی دن ساخلا منه

.

دایاغ عونوانلی داغ آواره سی یم

قارا گونلرده آغ آواره سی یم

بیر گولوشلوک دوداغ آواره سی یم

غملره قارشی گولن ساخلا منه

..

دئمیرم خوشلوغا یاد ائت یادا سال

غم اؤنونده آدیمی فریادا سال

منی ده غم بؤلوشنده آدا سال

بیر اوره ک پایلی محن ساخلا منه

..

بیر دایان ، ذیروه یه دیزقوی گلیرم

سانماکی خسته یم ، ایز قوی گلیرم

بیر چاناق سؤزده دئنیز قوی گلیرم

بیر دؤیوش مئیدانی چن ساخلا منه

..

اوجالیقلاردا ایزین وار دئیه رک

چیخارام داغلارا یار – یار دئیه ره ک

گله رم غربت ائوین دار دئیه ره ک

وطن عونوانلی کفن ساخلا منه

 

حمیده رئیس زاده - سحر خانیم

دنیزدن دنیزه - حمیده رئیس زاده

دنیزدن دنیزه

 

ایستیرم سئودانی قانیما قاتام

ایستیرم واریمی یوخوما قاتام

دار پالتاردیر ایینیم ، جانیم سیخیر

ایستیرم اینیمی چیخاردام آتام

آی سئوگی یاییندان یاییلان اوخلار

آییقلیق سئویرم قویمایین یاتام

سیغماییر باغریما یاغیرتیلاریم

هاچاناجاق گره ک باغیرتی اوتام

ساحیلی ساخلایین عاغیللی لارا

من گئدیم دنیزدن دنیزه باتام

 

آغلاماق هاواسی - حمیده رئیس زاده

آغلاماق هاواسی - حمیده رئیس زاده

یارین یاری گلیر دئیه
داغدا شلاله لر گولور
یار دوداغی گولور دئیه
باغداکی لاله لر گولور
یار یاریلان گولور دئیه
الده پیاله لر گولور
یار گولورکن
اوزلر گولور
گؤزلر گولور
دوداقلاردا سؤزلر گولور
هانسی لاله آیاقلانیب ؟
آغلاماق هاواسی گلیر

بیگانه بیگانه - حمیده رئیس زاده

بیگانه بیگانه - حمیده رئیس زاده

گلیبسن اوز اوزه باخما منه بیگانه - بیگانه

اؤتورمه ایریلیق یوردون گزیم دیوانه - دیوانه

دولاندیر بیر باخیش رطلین منیم احوالیمه گاهدان

گؤزوندن قوی ایچیم گیزلین چاخیر پیمانه - پیمانه

نظر سال قات - قات آیریلسین جانیمدان غربت آثاری

آچیلسین شعریمین یارپاقلاری میخانه - میخانه

سینیخ سالخاخ اوره کلردن ایزین گؤرسه تدیلر خلقه

قالیب کؤنلوم جلالیندانایراق ویرانه - ویرانه

منیم شوقومدور عالمده ، جنون رنگینده پایلاندی

گؤرور هر یئرده بیر شعله ، یانیر پروانه - پروانه

منم مجنون ، منم لیلا ، منم وامق ، منم عذرا

منیم دردیم دوشوبدور دللره ، افسانه - افسانه

سحر ال چک یاخامدان ، حایل اولما منظر وصله

چکیل گئت بیر گؤروشه جان وئریم جانانه - جانانه

رحمتلیك بختیار واهابزاده نین آنا دیلی آدیندا شعری

«آنا دیلی»

بو دیل بیزیم روحوموز،عشقیمیز،جانیمیزدیر

بو دیل بیر-بیریمیزله عهدی پئیمانیمیزدیر.

بو دیل تانیتمیش بیزه بو دونیادا هر شئیی

بو دیل اجدادیمیزین بیزه قوْیوب گئتدیگی.

ان قیمتلی میراثدیر،اوْنو گؤزلریمیز تك

قوْرویوب نسیللره بیزده هدیه وئرك.

بیزیم اوجا داغلارین سوْنسوز عظمتیندن

یاتاغینا سیغمایان چایلارین حیدّتیندن،

بو تورپاقدان،بو یئردن

ائلین باغریندان قوْپان یانقینلئ نغمه لردن

گوللرین رنگلریندن،چیچكلرین ایییندن

آغ ساچلئ بابالارین عقلیندن،كمالیندان

دوشمن اوستونه جومان او قیر آتین نالیندان.

سن خالقیمین آلدیغئ ایلك نفسدن یاراندین

قوْپان سسدن یاراندین.

آنا دیلیم،سنده دیر خالقین عقلی،حیكمتی

عرب اوْغلو مجنونون دردی سنده گول آچمیش.

اوركلره یوْل آچان فضولی نین صنعتی،

ائی دیلیم،قودرتینله دونیالارا یوْل آچمیش.

سنده منیم خالقیمین قهرمانلیقلا دوْلو

تاریخی ورقله نیر

سنده نئچه مین ایللیك منیم مدنیّتیم

شان- شؤهرتیم ساخلانیر.

منیم آدیم،سانیمسان،

ناموسوم،ویجدانیمسان...

آنا شعری

آنا

سنه دونیا دئسه م ، دونیا اینجییه ر

اؤزون دونیا بویو ، دونیاسان آنا

سن سیز یئتیم قالار تورپاقدا داش دا

بوتون کائناتا آناسان آنا

هردن دوشونجه لی عالم اولورسان

ناخلف ائولادا ظالیم اولورسان

هردن چشمه سن ، معناسان آنا

ایسته رم کی سندن قاباق اؤلوم من

قوی چکیم سنین یولوندا جفانی من

اؤزون چال بالا نا لای - لایی آنا

بئله تئز قوجالما آنا آماندی

آغارمیش ساچلارین نه پریشاندی

عشقین طراوتلی ، قلبین جاواندی

ساچینا یاخاسان حنانی آنا

گل ای بئیله منیم جانیمی ایسته

کمکه گلرم لاپ سون نفس ده

سن ده عکس اولونا یاخجی دا پیس ده

لکه گؤتورمه ین آیناسان آنا

آنا آنا جان آنا ، هارداسان وفاداریم

آنا آنا جان آنا گل منیم وفاداریم

نئجه مهربان دی نئجه عزیز دی

نئجه رحیم لی دی آنا اوره یی

سیندیرسان سن اونی بیل کی نادان سان

سیزلایان کاغاذدی آنا اوره یی

بؤیودور بالاسین چتین قاطاردا

هم یازین همی ده بوراندا قارداپ

آنا آنا جان آنا هارداسان وفاداریم

آنا آناجان آنا گل منیم وفاداریم