شیطان اورکلی ملک
 

آیریلیقا حسرت اولان ، بوگون سنه موبارک

آیریلمیشیق سئوینگینن ، چال سازینی وور بزک

سئومه دین هئچ واخت منی سن ، سؤیله جانیم اوتانما

عاشیقیدیم من سنه ، عشقینده یاندی بو اورک

ایندی گزیرسن غیریله ، سن منی چوخدان آتدین

هئچ یادیندا ایکیمیز ، ال اله توتموشدوق دیلک

همانکی گون دوغوم گونون ، آی اولدوزلو او گئجه

وئرمیشدیم سئوگیله بیر غزل بیر هدیه بیر چیچک

آنلاشیلان اونوتموسان هم منی هم خاطیره می

منده اونوتموشام سنی شیطان اورکلی ملک

لاییق دئیلدین نه منه نده گؤزل سئوگیمه

اورگتدی سئودا داحا کیمسه نی سئومییم گرک

شاعیر : وحید شکرزاده