محبت بئله ­دیر

دئدیم آز جور ائله جانا، دئدی عادت بئله دیر

دئدیم اغیار ایله گزمه، دئدی قسمت بئله دیر

دئدیم انصاف دییل شعله ی عـــشقینده یانام

دئــدی پروانه یه باخ، رمز سعادت بــئله ­دیر

دئدیم آز ناز ائله گولدو، دئدی نازسیز گوزلی

حق یارادمازبــونوبیل، راز طــبیعت بئله دیر

دئدیم آل جانیمی، قوی بیر نفس آسوده یاتیم

دئدی عشق اهلی اگر ایـستسه راحت بئله دیر

مین کره جانیمی قوربان ائله­دیم جان دئمه­دی

نه بــیلیم بــــلکه ده قــانون محبت بــئله دیر

ییخدی کونلوم ائوینی، ایله مه دی عهد وفا

بـــیوفا، نــازلی گوزلـــلرده صداقت بئله دیر

صبریمی الدن آلیب دیر، داها قایتارمیه جک

شـــیوه عــشقده چون رســـم امانت بئله دیر

عشق سوداسینا دوشدون داها جان فیکرینی آ ت

"حامده" عشق خـــریدارینا قیمت بـــئله دیر

شعر: حامد ماکویی

 

سید علی صادق ماکوئی، سید حمیدین اوغلو دیر کی شعریده"حامد" تخلص ائدیر. او 1308 نجی ئیل ماکو شهرینده بیر متوسط عائله ده آنادان اولدو. بیر مدت مدرسه لرده دبیرلیک ائدیب و سونرا فرهنگ و هنر ادارهسینده وظیفه عهده سینه آلدی. "حامد" گوزل خط یازان، عالی موسیقی هنری بیلن و خوش صدالی بیر شاعر دیر.