• کيتابين کؤهنه سی ، ليباسين تازاسی

• کيچيکدن يالنيش ، بؤيوکدن باغيش ( بيزه ترجمه يولو ايله گلميش مثللردندير)

• کيچيکلره حرمت ائيله ، بؤيوکلردن حرمت قازان

• کيچيگين کيچيک دردی وار ، بؤيويون  بؤيوک

• کيچيگين کيچيک يئری وار، بؤيويون  بؤيوک

• کيرپيک گؤژزون چَپَری دير

• کيری کير آچار ، سرّی  سرّ

• کيشی اؤز تايی ايله گزر

• کيشی اژز سؤزونون آغاسی اولار

• کيشی بيلمَديگينی آياغی آلتينا ييغسا ، باشی عرشه دَيَر

• کيشی سؤزونو اؤزه دئير

• کيشی سئوديگينين نازينی چکر

• کيشی کيشی دن قورخماز ريال آمما اوتانار

• کيشيده صبر اولماليدير

• کيشيده غيرت اولسا ، تورپاغی قيزيلا دؤندَرر

• کيشينی ياخشی ساخلار ، ياخشی آرواد ، ياخشی آت

• کيشينين آلنی آچيق گرک

• کيشينين اؤزونه باخما ، سؤزونه باخ

• کيشينين باشينا گلن ، آغزيندان چيخاندير

• کيشينين جيبی ايکی اولسا ، آرواد آلماق فيکرينه دوشر

• کيشينين حرمتی اؤز الينده دير

• کيشينين ديلينه قارقيش گلمز

• کيشينين سؤزو ايله ايشی بير اولار

• کيشينين مالی گؤز قاباغيندا

• کيم آرباسيندا گئديرسن ، اونون ماهنيسينی اوخو ( قونداريلميش مثللردندير)

• کيم ائششک اولار بيز اونا پالان اولاريق

• کيم گوجلودور حق اونوندور

• کيمسه کيمسه نين قسمتينی يئمز

• کيمسه نامرده محتاج اولماسين ( آلقيش دير)

• کيمسه نين آهی کيمسَيه قالماز

• کيمسه نين تيکه سی کيمسه نين قارنيندا قالماز

• کيمينه قات  قات ، کيمينه  آج يات

• کيمينين اوّلی ، کيمينين آخيری

• کيمينين ايلکی ، کينين سونو

• کيمينين باشيندا تاج ، کيمی  آج يالاواج

• کيمينين ساجی اولار ، کيمينين اَلَيی( الَک)

• گؤردون هامی کور، سن ده اول کور

• گؤرمَميشينی بير اوغلو اولدو ، چکدی داششاقلارين چيخارتدی

• گؤرن گونو وار(کنايه)

• گؤزلليک باشا بلادير

• گؤيچک( گؤيجه) قونجوق کيمده دير منيم گؤزوم اوندادير( بيرحکايه نين ماياسيدير)

• گدادان بای اولماز

• گدادان بورج آلما ، يا تويدا ايستر ، يا بايرامدا

• گزر ديوانه ديوانه پاراسيز درويش

• گلين اوينايا بيلمير ، دئيير يئراَيری دير

• لئيلک گونونو تک  تکله کئچيردر، لئش گؤرنده قوزغونا دؤنر

• لوتو لوتو سؤزونه اينانار

• لوتو گؤتو ياش گؤترمز

• لوتو لوتونو آلداتماز

• لوتولوغو اوّله سالانين ، سونراسی يولچو) ديلنچی( اولار

• لوتونون ديلينی لوتو بيلر

• لوغما قارين دويورماز ، حرمت آرتيرار

• لياقت عاغيلدادير، اصل  نصبله دئييل

• مئشه آيی سيز اولماز مئشه چاققالسيز اولماز

• مئشه ده آغاجين دوزونو کَسرلر(سئچرلر)

• مئيوه لی آغاجا قوش قونار

• ماشا وار ايکن الينی يانديرما

• مال آدامين دوشمنی دير

• مال انسانا ، انسان مالا امانتدير

• مال باشا بلادير

• مال مالی قازانار

• مال يئمزين مالين يئيرلر

• مال يئمزين مالينی يئيرلر، گورونادا سيچارلار

• مال ييغينجا عاغيل ييغ

• مالی مال ايله اؤلچرلر جانی جانلا

• مالينی ديشين وار ايکن يئه

• مالينی يئمَيَنين مالينی يئيرلر، آرلوسونو ده سؤيرلر

• محبّت اورَکدن سيلينمز

• محّبت گؤزده اولماز ، کؤنولده اولار

• محبّت له دوغرولوق مغلوب ائديلمز

• مرد اؤزوندن بيلر ، نامرد يولداشيندان

• مرد ايگيد تک قالماقدان قورخماز

• مرد کيشی چؤرَگينی داشدان چيخاردار

• مردين سوفره سی آچيق اولار

• مسجيد شامينی ( شمع) يئيَن پيشيک کور اولار

• مشتری نين عاغلی گؤزونده اولار

• مشتری نين گؤزو ساتيجی نين الينده اولار

• معرفسيز ملّت ياشاماز( ترجمه دير و ياخود آفوريزم دير)

• مکروه يئيَنه حرام سوز ياراشار

• من مسجيده گلمرم، سن ميخانايا  هاردا گؤروشَک؟!

• منّت ايله بهشته گئتمکدنسه ، منّتسيز جهنّمه گئتمک ياخشيدير

• منّت قدر آغير يوک او.لماز

• منّتلی پيلوودان ، منّتسيز پئندير چؤرک ياخشيدير

• موللا ائويندن آش ، کور گؤزوندن ياش چيخماز

• موللا چؤرَگی، ايلان آياغی گؤرنمز

• موللا دورو سودان قايماق توتار ( ييغار)