• موللا ساداغا وئرمز

• موللا( ملّا) آلاجاغينی اونوتماز

• موللانی مسجيد ده ، سرخوشو ميخانادا تاپارسان

• موللانين جيبی درين اولار

• ميخاناچيدان شاهيد ايستَديلر ، سرخوشو گؤستردی

• ميخانادا يازلان مکتوب جهنّمده اوخونار

• ميدانا گيرن کؤپک کؤتکدتن قورخماز

• ميل وئرمه ائولييه ، ائوه گئدر  اونودار

• ميلچک ميردار اولماز گؤيول بولانديار

• ميمونون بالاسی اوّلجه يئرير، سونرا ايمکلر

• نار اوستونده تورپ يئمزلر

• ناشی اوغرو اؤزونو سامانليغا وورار

• ناماز مئيلی اولانين قولاغی آزاندا اولار

• نامرده ياخا وئرمه ، مرده آرخا اول

• نامردين چؤرَيی ديزينين اوسته اولار

• نامردين گؤزو دار اولار

• نامه يازماق آساندير، يئتيرمک چتين

• ننه ائوين کؤتويودور

• ننه ياريم دنَه ايله ده کئچينر

• نوبه بيزه گلنده چيراغين ياغی قورتارار( تلميح// آللوزيا(

• نوبه يئتيمه چاتاندا قاشيغين دسته سی سينار

• نوبه يئتيمه چاتاندا يا حريفين پولو قوتارار ، يا چيراغين ياغی

• نوخودلارين حسابينا باخاندا گؤرونور هئچ بايرام اولماياجاق) حکايه نين ماياسی(

• نور گؤزده اولار

• نوروز گولو ايله بنووشه بير بيريی گؤمزلر

• نوروزدان سونرا قيرخ گون کؤتوک يانار

• نوه ائولاددان شيريندير

• نه دوغراسان آشينا ، او چيخار قاشيغينا

• نه شاشقين اول باسيل ، نه داشقين اول آسيل

• نه وارلييا بورجلو اول، نه يوخسولدان آلاجاقلی

• نيّت هارا  منزيل اورا

• وئرديگين ال ايله آل!

• وئرن آشی ايچيلر ، قابينا دا سيچارلار

• وئرن ال آلان الين اوستونده اولار

• وئريب يامان اولونجا ، وئرمَييب يامان اول

• واخت انسانا هر شئی اؤيرَدَر

• واخت غنيمتدير

• واختسيز بانلايان خوروزون باشينی کسرلر

• واختسيز گلن قوناق اؤز کيسه سيندن يئير

• واختيندا گؤرولمَميش ايش هميشه گؤرولممَيش قالار

• واختينی ايتيرَن بختينی ايتيرر

• واردير پولون هامی قولون ، يوخدور پولون  آچيقدير يولون

• وارلی اولوب غم  غصّه ايله ياشاماقدانسا ، کاسيب اولوب شاد  خرّم ياشاماق ياخشيدير

• وارلی اومدوغونو يئير، کاسيب آ اولدوغونو

• وارلی کيسه سينی دؤير، کاسيب ديزينی

• وارلی نين الينی بيچاق کسسه ، يوخسول کؤنَگينی پارچالار

• وارلی نين چؤرَگی کاسيبين چنَه سينی يورار

• وارلی واريندان پای وئرسه ، وارسيزدا وارلی اولار

• وارلی يوخسوللاشاندا اللی ايل دستگاهينی پوزماز

• وارليغين سونو اسله يوخلوغون سونو بيردير

• وارليليغا تَلسَن کاسيبليغا تئز دوشر

• وارلينين آروادی اؤلنده يورغان  دؤشَگی تزَلنَر، کاسيبين آروادی اؤلنده يورغان

دؤشکسيزقالار

• وارلينين تورپاغيندان چای کئچر ، کاسيبيندان يول

• وارلينين خوروزودا يومورتلايار

• وارلينين کؤنلو اولونجايا قدَرکاسيبين جانی چيخار

• وارين اوجوز ايسه ، اؤزون باهالی اول

• وارينی وئرَنين کيسه سی بوش قالار

• وای اونداديرکی ، واذلی ائوينه يوخسول گيره

• وجدان بازاردا ساتيلماز

• وزيری قارغ اولانين آغزی زيبيلليکده اولار

• وطن ويرانه ده اولسا ، جنّتدير

• وطنه محبّت ايمان اثری دير

• وطنی سئومَيَن انسان اولماز ، اولسا ، اول شخصده وجدان اولماز

• وورا بيلمَيَن داشين بؤيويوندن ياپيشار

• هئچ کيمين آهی يئرده قالماز

• هارادا دوه نين قويروغو ، اوراداد ائششگين قولاغی

• هارايا ميخ چاليرام ( چاخيرام) ، پاپاغينی آسير

• هاردا آشدی ، اوردا باشدی

• هاردا قاميش ، اورادا جاميش

• هاردا گؤردون درويش ، اوردا اولار نيکبت ايش

• هر نه اَکسن ، اونودا بيچرسن

• هر نه ايله اؤلچورسن ، اونلادا اؤلچولورسن

• هر نه تؤکسن آشينا ، او چيخار قاشيغينا

• هره نين اؤز روزوسو وار

• يئتميش ايکی دره دن سو گتيرر

• يئتنه يئتير يئتمَيَنه داش آتير

• يئتيمه اؤيود وئرن چوخ اولار، چؤرک وئرن آز

• يئتيمه وای  وای دئيَن چوخ اولار، چؤرک وئرن آز اولار

• يئتيمين آغزی آشا چاتاندا ، باشی داشا چاتار

• يئددی آرخا بير قاريش ، بير آيدا يئددی قاريش ؟!

• يئددی آرخين سويونوبير آرخا جالامازلار

• يئددی دره قوخولارين تولکوبيلر

• يئددی سينده نه ايديسه ، يئتميشينده ده اودور

• يئددی فرسيز اوغولدان بير فرسيز قيز ياخشيدير

• يئددی قوردابير چاريق نئيلَسين ؟