گلميشم اوتاقينا ، اويادام سني ،

قارا گيله ،    اويادام سني

نه گوز ل خلق ائيله ييب ، يارادان سني ،

قارا گيله ، يارادان سني

گوتوروب من قاچارام ، آرادان سني ،

 قارا گيله ، آرادان سني

نه سنه قيز قحط دير نه منه اوغلان ،

 قارا گيله ، نه منه اوغلان

آغاج اولايديم ، يولدا دورايديم 

سن گلن يولا ، قارا گيله ، کولگه سالايديم

بو قدر سالدي مني ، حسرت ، آماندان آمانا

کونلوم آخيردا منيم ، دوشدي ، گوماندان گومانا

 نئچه عاليم يازيب ، اؤز درديني ، ايظهار ائيله ديم

عاشيقين دردي فقط دوشدي گوماندان گومانا

دردي غمدن ، قورتاريب دوشدي کونول هيجرانينا

ائيله به کي ايندي شيکايتيمي ياماندان يامانا

سني گوردوکجه ، من آنجاق بئله  ديل اؤتورم

بوشالار گويده بولودلار دولادان دولانا

نئچه يول وعده وئريب عهده وفا قيلمادي يار

بختيار قلبيم آخيب دوشدو تالاندان تالانا