تاپماجالار يا بيله‌جك لر یا بیزیم دیلیمیزده تاپتاپماجالار ، آذربايجان شیفاهی ادبیاتی حیصه لریندن بیری دیر. قدیم زامانلاردا کی ایندیکیمين  رادیو و تلویزیون ایمکانلاري یوخ ایدی ، آتالاريميز و آنالاريميز ، گئجه لر اؤز بالالارینی باشلارینا ییغیب شیرین شیرین ناغیل لار ، مثل لر ،آتاسؤزلري و تاپماجالارلا دييرديلر و واختلارینی کئچیریرمیش لر.ايندي دئ گؤروم تاپتاپماجا دئسم تاپارسان؟... 

۱- آياغي يوخ ، امما يئريير

۲- آلتي دريا اوستي اؤت

۳- هانسي ايكي دير اوچ اؤلماز

۴- قارا كيشي آغ پاپاق

۵- باخارام اوزاقدان ، گؤرونر ياخيندان

۶-يومرو تكر بارماغا كئچر

 ۷-     آی گئدر آدام ایله       بیر خونچا بادام ایله

   نه دیلی وار نه آغزی    دانیشیر آدام ایله

  ۸-          آکیشی کیشی     دمیردن دیشی

            يیه ر بوغدانی     قالار کوله شی

 ۹-            اله آللاندی             باشی چوللاندی

         قاشیغا میندی         قیچی ساللاندی

 ۱۰-    آلتی دری ، اوستی دری     ایچینده بیر اووج داری

۱۱-    آخشام اولدو سارالار         سحر تئزدن قارالار

 

 

جاوابلار: ۱-ايلان ۲- قليان ۳- گئجه گوندوز ۴-باديمجان ۵- داغ ۶- اوزوك ۷-كيتاب ۸- اؤراق ۹-اريشته۱۰-انجير ۱۱- لمپه چيراق