آنالار گونو قوتلو اولسون بوتون آنالارا
آنالار گونی
آنا جان دونیانین آغریسین غمین
بوزارمیش ساچوندا عیان گؤرموشم
سویوق آه چکنده ، اورکدن درین
دونیانی چولقایا طوفان گؤرموشم
دئییرم گوره سن هانکی طالعین
شومچا قایداسینین اوسته دوغولدون
یانیرام گؤره نده ، بو کولوب بئلین
آغ بیر گؤیرچین ، تک چنده بوغولدون
اوزووون قیریشی ،زاماندان دئییل
آجی فلاکتدن، نشاندیر آنا
گؤزووون تور چکن ،چن دومان دئییل
آغلاماغدان گلن زیاندیر آنا
ایندیکی آنالار گونی چاتیبدیر
سنه جان تحفه سی وئرسمده آزدیر
قات قات اورگونده آرزی یاتیبدی
سینه ن ساوالاندیر ، گؤزون آرازدیر
چوروتدون عمریوی بیزلرین اوسته
مهریبان گؤزیوه ، قوربانام آنا
سنه غلام اوللام اؤزوم پیوسته
مین یول باش ایره م ، سن تک انسانا
ناقابیل تحفه می ، قبول ائیله سن
قاریشقانین شاها نه یی وار وئره
ایسته سن گؤزومی ، هدیه وئریم من
او گول قدملرین ،التدا سر یئره
سنین قانادینلا ، اوچور «اولادین»
سنسیز بو دونیا دا ثروتی یوخدور
سنسیز بیر یتیمدیر آنا سوراغلی
آنا سیندان بؤیوک نعمتی یوخدور