شریفه جعفری
شريفه جعفري
بیوگرافی ( اؤز ديليندن )
شريفه جعفري 1356 دا ميانادا دونيايا گؤز آچيب و ايله همان شهريده ابتدايي، راهنمايي و متوسطه ني اوخويوب باشا يئتيرميشم . 17 ياشيمدان شعير يازماقا باشلاميشام . بير عاييله ده دونيايا گؤز آچميشام كي هم آتام و هم آنام ذوق اهلي ،و عاشيق شعرلرين و ناغيللاري بيليب و هميشه بيزه اوخويوب دييرديلر ، آتام اؤزونه ياني اؤز اوره يينه گؤره هر زامان دويغولانيب و هيجان لاناندا شعير ديير . و آنام بوتون آذربايجان حماسه لرين ، اوسطوره لرين و ناغيللارين سينه سينه ييغيب و ازبرله ميشدي. آتام بير كشاورزيدير بيزلري باغدا ، بوستاندا اؤز باشينا ييغيب ايشله ده – ايشله ده اصلي كرمدن – عاشيق غريبدن – طاهير ميرزه دن و ... اوخويوب و دييه دييه اونلارين حماسه يارادان شخصييتلرينين آدين ديينده بيزين آدلاريميزي يئرينه قويوب و بيزده بو حيس لري قووه لنديرردي . من اؤزومو هميشه نيگار ، اصلي ، شاه صنم يا گولگز بيلرديم . نتيجه ده 17 ياشيما چاتاندا گؤردوم بير درين يانقينليق مني ايچريده يانديرير . و هئچ بير زاديلان دا بو اود سونمه يير . آنجاق اؤزومه گلينجك آنلاديم ايله رسما غزل قاليبينده شعير يازيرام ايله همان يازديقيم ايلده مقام اولي ميانانين دانش آموزلارينين ايچينده ، مقام استاني و شعرلريم محلي و دانش آموزي نشرييه لرينده چاپ اولوردو . انجمن لرين توسطيلن استاني همايش لره دعوت اولونوب و مقام كسب ايله ديم . سونرا زنگان دانيشگاهينا چيخماقينان اورايا گئديب درس اوخوماقا باشلاديم . دانشگاهدا چوخ چكمه دير دانشگاه شاعيره سي نين لقبين آليب و بوتون برنامه لرده و نشريه لرده شعرلريمي ياييرديم داها ، سراسري نشريه لر ده ده شعير لريم ياييليردي .
1379 زنگانين راديو تلويزيونوندا ، يازيچي واديتور كيمي ايشه باشلاديم و چوخ زامان چكمه دي اوردا بير ادبي ياشيل يارپاق آدلي كي فقط توركو يازيچي و شاعيرلرين تانيتديرماسيدي دوزلده ني اولدوم . سونرا بير گيلانلي شاعيريلن ائوله نيب و ائله زنگاندا ياشاماقا باشلاديم . كي اينديسه حياط يولداشيمين اوچ اثري ياييليبدير و اولريده ابهرين آزاد دانيشگاهيندا درس وئريللر .
آدلاري سيامك سليماني روشن دير توركو ديلين زنگانا درس اوخوماغا گلندن سونرا اويرنمه گه باشلاييب و اينديسه كاميل بو زنگين ديلي دانشيب و باشا دوشورلر . حيدرباباني گيلكي يه منظوم صورتده كوچوروب و چاپا يئتيريبلر.
اؤزومده ايكي شعر مجموعه سي توركي ديليجه چاپا يئتيريب يايميشام (من آتامين قيزييام) (گيزلين محبتيم) آدلي. كيتابلارديلار .
ايكي دنه ده ترجمه ايشله ميشم بيري ناخجووان شاعيري حسين باقير اوغلونون (من چيينيمدن يئره قويدوم دونياني و بيريده توركيه نين شاعيري احمد عاريفين سئودان بني ) سيدير.
پينار اينتشاراتينين يولا سالماسيلان و ائله اوردا توركو كيتابلارين يايماسيلا اؤز آنا ديليمه اولان بورجو مو وئرمك ايسته ييرم.
قيناق : ://tarla-roshan.blogfa.com
آذر قئزي
ائليمين اوبامين سازينا بندم
ظولمه باش اَيمي‌‌ين قيزينا بندم
گؤرمه‌لي قيشينا يازينابندم
اولدوزلار ايچينده دان اولدوزويام
افتخاريم بو دور آذر قيزييام
بينامي قويوبدور عشقيله آنام
اؤيره‌ديب ائليمين دردينه يانام
اؤلكه‌مي عزّتيم شرفيم سانام
اولدوزلارايچينده دان اولدوزويام
فتخاريم بو دور آذر قيزييام
كؤكومو قازمالار، قورودا بيلمز
اؤزگه‌لر ديليمي اونودا بيلمز
سؤزو دوشونمي ين ، بونودا بيلمز
اولدوزلار ايچينده دان اولدوزويام
افتخاريم بودور آذرقيزييام
قوربانام آدينا آذربايجانين
يورغون اولادينا آذربايجانين
ائل چاتسين دادينا آذربايجانين
اولدوزلار ايچينده دان اولدوزويام
افتخاريم بو دور آذر قيزييام
دينجل سين
قوي اؤپوم گؤزلرووي بلكه اورك دينجل سين
سن ده بيركلمه دانيش منده ديلك دينجل سين.
قوزا يئردن باشوو سال قولومون اوستونده
قؤل دؤلاشسين بؤيونا يانقي بيلك دينجل سين.
باشووا دؤنمه ده يورقون دگيلم آمما آخي
اؤت قالا بيردفعه وورقون كپه نك دينجل سين.
پيشميشم گون آلوويلا دؤداغيم قوپ قورودو
سنده بير دامجي داميز ساخسي سه نك دينجل سين.
بايرام
قلم چال، دفتر اوينا، بيز باريشديق باده كئفلندي
منيّت سوسدو ،بيرليق بير درين معناده كئفلندي !
گول آچدي كؤنلومون ديلسيز دياري لاله‌زار اولدو
محبّت ماهنا آخدارديقجا مين معناده كئفلندي
قيامت قوپدو گؤردوم كؤنلومون ديل سيز دياريندا
كوكوندن وار يوخوم آشكار دؤنوب فرياده كئفلندي
حال اهلين حال اوتانديردي، گؤرنده گؤز باخيشلارين
كؤزردي عشق اؤزو بير گؤرمه لي سيماده كئفلندي
ملك‌لر اندي گؤيدن دادماغا لذت دادين يئرده
دئدم بايرام بودور به‌به كي استغناده كئفلندي !!
سازين سيزلاندير آي عاشيق دينه يالوارماسين موسي،
كرمدن جلوه‌لندي يار اؤزو سيناده كئفلندي
«دنيز» تصويره چكديغجا گؤروش دونياسي‌نين شوكرون
باليخلار چيپچالاندي شوق دان درياده كئفلندي
بؤيوك عاليم حكيم هيدجي‌نين خاطرلاماسينا
معرفت زيروه سي‌نين قارتالي تاردان دانيشير
كئفلي پيمانه‌لرين باده‌سي ياردان دانيشير
ائل ايچينده بئجه ريب گؤيلره ال چاتديرماق
مومكين ايميش كي حكيم ايللره واردان دانيشير
بابامين تاريخ اوجا اؤلكه‌ده يانسين اوجاغي
اؤ گونشدن باج آليب نور كيمي ناردان دانيشر
چاشيب اولدوزلارين عاقلي گئجه‌لر صبحه كيمي
بو درين كلمه‌لري، سؤزلري هاردان دانيشير
آنا يوردو ايله تورك اهلينه وارليقدي بوتون
نئجه‌كي هيدجي هر يئرده دياردان دانيشير
كؤچولوب قئش اوباسي يوخدو قيرولاردا كسر
ياشيل احساسلي بولوتلاردا باهاردان دانيشير.
مست اولدو ديوان تيتره دي
ازديلرپهلوي عشقي دؤزمه دي جان تيتره دي
فاطمه تاآخ دئدي دين اسدي ايمان تيتره دي.
معجرين آلدي اله داده چاغيرسين آللهي
ال گؤيه قوزانماميش مسجيدده اركان تيتره دي.
رنگي سولموش گوللرين نن ال چكنده فاطمه
يئل گيجه لندي نوايه گلدي طوفان تيتره دي.
زينبين نيسگيل لرين ييغميشدي ياره قلبينه
ياره لي گئتدي قاليب زينب هراسان تيتره دي
گئتدي مولا تيكيه گاهي يئر گؤيو ماتم توتوب
مظلوم اؤلدو فاطمه تاريخده عصيان تيتره دي.
هر سازين بير سوزي وار هر عاشيقين بير معشوقي
سسله ديم يا فاطمه مست اولدو ديوان تيتره دي.
بیوگرافی ( اؤز ديليندن )
شريفه جعفري 1356 دا ميانادا دونيايا گؤز آچيب و ايله همان شهريده ابتدايي، راهنمايي و متوسطه ني اوخويوب باشا يئتيرميشم . 17 ياشيمدان شعير يازماقا باشلاميشام . بير عاييله ده دونيايا گؤز آچميشام كي هم آتام و هم آنام ذوق اهلي ،و عاشيق شعرلرين و ناغيللاري بيليب و هميشه بيزه اوخويوب دييرديلر ، آتام اؤزونه ياني اؤز اوره يينه گؤره هر زامان دويغولانيب و هيجان لاناندا شعير ديير . و آنام بوتون آذربايجان حماسه لرين ، اوسطوره لرين و ناغيللارين سينه سينه ييغيب و ازبرله ميشدي. آتام بير كشاورزيدير بيزلري باغدا ، بوستاندا اؤز باشينا ييغيب ايشله ده – ايشله ده اصلي كرمدن – عاشيق غريبدن – طاهير ميرزه دن و ... اوخويوب و دييه دييه اونلارين حماسه يارادان شخصييتلرينين آدين ديينده بيزين آدلاريميزي يئرينه قويوب و بيزده بو حيس لري قووه لنديرردي . من اؤزومو هميشه نيگار ، اصلي ، شاه صنم يا گولگز بيلرديم . نتيجه ده 17 ياشيما چاتاندا گؤردوم بير درين يانقينليق مني ايچريده يانديرير . و هئچ بير زاديلان دا بو اود سونمه يير . آنجاق اؤزومه گلينجك آنلاديم ايله رسما غزل قاليبينده شعير يازيرام ايله همان يازديقيم ايلده مقام اولي ميانانين دانش آموزلارينين ايچينده ، مقام استاني و شعرلريم محلي و دانش آموزي نشرييه لرينده چاپ اولوردو . انجمن لرين توسطيلن استاني همايش لره دعوت اولونوب و مقام كسب ايله ديم . سونرا زنگان دانيشگاهينا چيخماقينان اورايا گئديب درس اوخوماقا باشلاديم . دانشگاهدا چوخ چكمه دير دانشگاه شاعيره سي نين لقبين آليب و بوتون برنامه لرده و نشريه لرده شعرلريمي ياييرديم داها ، سراسري نشريه لر ده ده شعير لريم ياييليردي .
1379 زنگانين راديو تلويزيونوندا ، يازيچي واديتور كيمي ايشه باشلاديم و چوخ زامان چكمه دي اوردا بير ادبي ياشيل يارپاق آدلي كي فقط توركو يازيچي و شاعيرلرين تانيتديرماسيدي دوزلده ني اولدوم . سونرا بير گيلانلي شاعيريلن ائوله نيب و ائله زنگاندا ياشاماقا باشلاديم . كي اينديسه حياط يولداشيمين اوچ اثري ياييليبدير و اولريده ابهرين آزاد دانيشگاهيندا درس وئريللر .
آدلاري سيامك سليماني روشن دير توركو ديلين زنگانا درس اوخوماغا گلندن سونرا اويرنمه گه باشلاييب و اينديسه كاميل بو زنگين ديلي دانشيب و باشا دوشورلر . حيدرباباني گيلكي يه منظوم صورتده كوچوروب و چاپا يئتيريبلر.
اؤزومده ايكي شعر مجموعه سي توركي ديليجه چاپا يئتيريب يايميشام (من آتامين قيزييام) (گيزلين محبتيم) آدلي. كيتابلارديلار .
ايكي دنه ده ترجمه ايشله ميشم بيري ناخجووان شاعيري حسين باقير اوغلونون (من چيينيمدن يئره قويدوم دونياني و بيريده توركيه نين شاعيري احمد عاريفين سئودان بني ) سيدير.
پينار اينتشاراتينين يولا سالماسيلان و ائله اوردا توركو كيتابلارين يايماسيلا اؤز آنا ديليمه اولان بورجو مو وئرمك ايسته ييرم.
قيناق : ://tarla-roshan.blogfa.com
آذر قئزي
ائليمين اوبامين سازينا بندم
ظولمه باش اَيمي‌‌ين قيزينا بندم
گؤرمه‌لي قيشينا يازينابندم
اولدوزلار ايچينده دان اولدوزويام
افتخاريم بو دور آذر قيزييام
بينامي قويوبدور عشقيله آنام
اؤيره‌ديب ائليمين دردينه يانام
اؤلكه‌مي عزّتيم شرفيم سانام
اولدوزلارايچينده دان اولدوزويام
فتخاريم بو دور آذر قيزييام
كؤكومو قازمالار، قورودا بيلمز
اؤزگه‌لر ديليمي اونودا بيلمز
سؤزو دوشونمي ين ، بونودا بيلمز
اولدوزلار ايچينده دان اولدوزويام
افتخاريم بودور آذرقيزييام
قوربانام آدينا آذربايجانين
يورغون اولادينا آذربايجانين
ائل چاتسين دادينا آذربايجانين
اولدوزلار ايچينده دان اولدوزويام
افتخاريم بو دور آذر قيزييام
دينجل سين
قوي اؤپوم گؤزلرووي بلكه اورك دينجل سين
سن ده بيركلمه دانيش منده ديلك دينجل سين.
قوزا يئردن باشوو سال قولومون اوستونده
قؤل دؤلاشسين بؤيونا يانقي بيلك دينجل سين.
باشووا دؤنمه ده يورقون دگيلم آمما آخي
اؤت قالا بيردفعه وورقون كپه نك دينجل سين.
پيشميشم گون آلوويلا دؤداغيم قوپ قورودو
سنده بير دامجي داميز ساخسي سه نك دينجل سين.
بايرام
قلم چال، دفتر اوينا، بيز باريشديق باده كئفلندي
منيّت سوسدو ،بيرليق بير درين معناده كئفلندي !
گول آچدي كؤنلومون ديلسيز دياري لاله‌زار اولدو
محبّت ماهنا آخدارديقجا مين معناده كئفلندي
قيامت قوپدو گؤردوم كؤنلومون ديل سيز دياريندا
كوكوندن وار يوخوم آشكار دؤنوب فرياده كئفلندي
حال اهلين حال اوتانديردي، گؤرنده گؤز باخيشلارين
كؤزردي عشق اؤزو بير گؤرمه لي سيماده كئفلندي
ملك‌لر اندي گؤيدن دادماغا لذت دادين يئرده
دئدم بايرام بودور به‌به كي استغناده كئفلندي !!
سازين سيزلاندير آي عاشيق دينه يالوارماسين موسي،
كرمدن جلوه‌لندي يار اؤزو سيناده كئفلندي
«دنيز» تصويره چكديغجا گؤروش دونياسي‌نين شوكرون
باليخلار چيپچالاندي شوق دان درياده كئفلندي
بؤيوك عاليم حكيم هيدجي‌نين خاطرلاماسينا
معرفت زيروه سي‌نين قارتالي تاردان دانيشير
كئفلي پيمانه‌لرين باده‌سي ياردان دانيشير
ائل ايچينده بئجه ريب گؤيلره ال چاتديرماق
مومكين ايميش كي حكيم ايللره واردان دانيشير
بابامين تاريخ اوجا اؤلكه‌ده يانسين اوجاغي
اؤ گونشدن باج آليب نور كيمي ناردان دانيشر
چاشيب اولدوزلارين عاقلي گئجه‌لر صبحه كيمي
بو درين كلمه‌لري، سؤزلري هاردان دانيشير
آنا يوردو ايله تورك اهلينه وارليقدي بوتون
نئجه‌كي هيدجي هر يئرده دياردان دانيشير
كؤچولوب قئش اوباسي يوخدو قيرولاردا كسر
ياشيل احساسلي بولوتلاردا باهاردان دانيشير.
مست اولدو ديوان تيتره دي
ازديلرپهلوي عشقي دؤزمه دي جان تيتره دي
فاطمه تاآخ دئدي دين اسدي ايمان تيتره دي.
معجرين آلدي اله داده چاغيرسين آللهي
ال گؤيه قوزانماميش مسجيدده اركان تيتره دي.
رنگي سولموش گوللرين نن ال چكنده فاطمه
يئل گيجه لندي نوايه گلدي طوفان تيتره دي.
زينبين نيسگيل لرين ييغميشدي ياره قلبينه
ياره لي گئتدي قاليب زينب هراسان تيتره دي
گئتدي مولا تيكيه گاهي يئر گؤيو ماتم توتوب
مظلوم اؤلدو فاطمه تاريخده عصيان تيتره دي.
هر سازين بير سوزي وار هر عاشيقين بير معشوقي
سسله ديم يا فاطمه مست اولدو ديوان تيتره دي.