طاماح دیشی
عليرضا ذيحق
طاماح ديشي
" حئكايه"
گون اوگون دئييل آمما آللاه همان آللاه‌دير. آخشام چاغي‌ايدي.سس ـ كوي قهوه‌خاناني بوروموشدو. بيري كسيردي بيري بيچيردي. داهادوغروسو تازا آنلاميشديق‌كي بو اوچ آيدا قيلديغيميز نامازلارين هئچ‌بيري قبول اولماييب. «مشهدي احمد» ين سسي كَره‌نِي‌كيمي بؤرولدوردو.يئر ـ گؤيه يامان دئمك‌دن يورولموردي. جماعتين هامي‌سين تقصيركاربيليب گناه‌لارين هاميسين‌دا ييخيردي بيزيم بوينوموزا. دوزونه باخسايديق‌اوندادا گناه يوخ‌ايدي. «مشهدي احمد»ين اوّلدنده ائله بو ايشه‌راضي‌چيليقي يوخ‌ايدي. دوزو هئچ بيزلرده گناه صاحابي دئييل‌ديك.ايش‌ايدي اولموشدور. بيز هاردان بيليرديك‌كي ايش بورا يئتيره‌جك‌دير.آمما «مشهدي احمد» دئيه‌ن كيمي بيز اوّلدنده ائله گرك طاماح‌ديشي‌ميزي چكيب آتارديق. «حاج حسين‌آغا» كي ايچري گيردي هاي ـكويدن آزالدي. بو ايشه اگر بير چاره‌قيلان اولسايدي اودا ائله «حاج‌حسين‌آغا» ايدي. «حاج حسين‌آغا» نين رحمتلي آتاسي‌دا ائله آغزي‌كسرلي ايتي بير آدام‌ايدي. «حاج حسين‌آغا» توتون كاغاذ چيخارديب بيرجيغالا يانديراركن اوزونو خلقه توتوب دئدي: ـ «دوزدوركي ايش‌دي‌اولوب كئچيب. آمما بيزده ائله‌يه بيلمه‌ريق كي آللاه تعالانين شرعيندن اوزدؤنده‌رك. «مشهدي احمدآغا» نين بويوردوغوكيمي منيمده نظريمه بئله‌گليركي گلين بير پول ييغاق و او خارابانين پولون «قُلي خانا» وئرمك‌ايله‌داها بوندان چوخ معصيته باتماياق و جاناسينه‌ر اوردان استفاده‌ائلي‌ياق...»
آزجا صونرا ائل‌ده بو ايشه راضي‌چيليق ائديب قرار اولدوصاباحدان ائو حسابي پول ييغيب «قلي خانا» وئرمك‌ايله حلال‌ليق آلاق.
ايكي ـ اوچ گونه پوللار ييغيلدي. گون اوگون اولدي‌كي بئش ـآلتي نفر ييغيشيب يولا دوشدولر. آللاه ـ آللاه ائديرديك‌كي بلكه تئزليكله«قلي خان» دان حلال‌ليق آليب بو نئچه آيدا قيلديغيميز نامازلارين هئچ‌بيري هئچه گئتمه‌سين. هئي اوره‌گيميزده دئييرديك‌كي: «ايندي بلكه گلدي‌حلال‌ليق وئرمه‌دي، اوندا نئيله‌مه‌لي‌ييق؟!» بو نگران‌چيليق‌لار بير ياندان،تازا بوي ـ باشا چاتميش بئيني پوف جاوانلارين حرصي‌ده بير ياندان.جاوانلار غضبله دئيرديلر: ـ عاقليزا دعا يازسينلار سيزين او! ديلسيزآياقسيز پوللاري آپاريب گؤر كيمين جيبينه تؤكورلر...» البته اونلاردا گناه‌يوخ‌ايدي. اربابدان هئچ بيزيم‌ده خوشوموز گلميردي. هله سگگيز ـدوققوز آي بوندان قاباق‌ايدي كي اربابين آداملاري تورپاق اوسته ويريب‌منيم باشيمي چاپميشديلار. آمما نئيله‌مك. الحمداللهكي بو قدر كندلرين‌ايچينده بيزيم كندايدي‌كي شانس گتيريب ائله‌يه بيلميشدي يئرلري‌بؤلوب اربابلاردان آلسين. منيم‌كي ازلدن بير قاريش يئريم يوخ‌ايدي و او ـبونون يئرين اكمگدن آزقالا جانيم چيخيردي، ايندي گئنه بير قاريش‌تورپاق صاحابي اولموشام‌كي اؤزوم اؤز آغام اولام. آمما بو ايش او ايش‌لره‌بنزه‌مز. دونيا ائله بو دونيا دئييل‌كي! آللاهي‌دا آدام گرك ئوز باشي‌اوستونده گؤره... گون آز قاليردي باتاكي حاج حسين‌آقا گيل يئتيرديلر.قولاغيميز سس‌ده‌ايدي كي گؤره‌ك نه اولوب. «حاج حسين‌آقا» ماشين‌دان‌كي أندي اوّل ايش‌كي گؤردي أليني داز باشيناكي قارا ـ بير ايپ بؤرك‌آلتيندا گيزلن‌ميشدي چكيب غرور حسي‌ايله ظفر چالماقلارين و حلال‌ليق‌آلماقلارين آيدين‌لاتدي.
هامي‌ميز شنليك ائديب سئوينجك حاماما ساري يوللانديق.داها آللاهيميز وئرميشدي. بو گوند بري غسل لار و نامازلاريميزين‌هاميسي قبول‌ايدي. آخي حامامين يئرين انقلاب‌دان صونرا كندين اربابي«قلي خان» دان مصادره ائتميشديق‌كي ايندي او يئرين پولونو وئريب«طاماح ديشي» ميزي چكميشديك.
1359