فایتونچی - علیرضا ذیحق
علیرضا ذیحق
فايتونچي
(حئکایه)
جوان قالديغينين تكجه رمزين بئله سؤيله‌يردي: ـ «من سحرچاغلاري «شاه» جماليني دويونجا سير ائتمه‌سي‌ايديم بئله جوان‌قالمازديم. يوخودان دوراندا اینسان شاه جماليني زيارت ائتسه هئچ واخت‌قوجالماز. من بونو تجربه ائتميشم!»
تك ـ توك ساچينا دوشَن آغ دن‌لرده اولماسايدي، بيرينجي‌نظرده دئيه‌ردين‌كي أللي‌دن چوخ ياشي يوخدور. آمما اؤز دئديگي‌كيمي،دينمه دانيشما يئتميش ياشي اولاردي. بير رنگي سولموش «پهلوي»بؤركوده وارايدي‌كي باشيندان اوزاق اولدوغونو كيمسه گؤرمه‌ميشدي.ايشي گوجوده دوز اصوللي بللي دئييل‌دي. قوجالار اونون بير زمان‌فايتونچي اولدوغونو دئيه‌رديلر. «ييرمي‌بير آذر» ده وئرديگي مانورلارايسه بونو گؤستريردي. هر ايلين «ييرمي‌بير آذر» گونو فخردن اونو يئرگؤي‌توتمازدي. «ييرمي‌بير آذر» گونلري فايتونچي‌نين دؤشونده سايسيز ـحسابسيز مدال‌لار پاريلداياردي. مدال‌لارين پاريلتي‌سي‌دا اونلارين قيزيل‌ـ گوموش اولدوغونو دؤرد آغاجدان جار چَكردي. مدال‌لارين هاميسي«شاه بابا» سي‌نين تحفه‌سي‌ايدي. «آريامهر» ارتشي‌نين خيابانلاردا مانوروئرمه‌سي همان‌ايدي فايتونچي‌نين دا اجل سرعتي‌له يئر عالمينه نزول‌اجلاسي همان. او بوگونده هاردان اولماليدي بير فايتون باش باغلاياردي.آتلارين قاشقاسيناجان‌دا شاه عكس‌لرين ياپيشديرمايينجا خيالي دينج‌اولمازدي. فايتونادا اوچ ـ دؤرد نفر زورنا ـ بالابانچي مينديرمه‌گي ثابت بيرعنعنه كيمي هر ايل دوام ائده‌ردي. بالابانچي‌لار چالماقدا اولايديلار،فايتونچي‌دا خيابانلاري دؤرد نالا چاپماقدا. خيابانداكي او باشدان بو باشادولو اولاردي ارتشي‌لردن، ساواكي‌لاردان و جماعتدن. گاهدان‌داكي زورناـ بالابانچي‌لار ساكت اولارديلار، فايتونچي‌نين مدال‌لاري، آتلارين‌زينقيروولاريله بيرليكده «زينقازينق» سسله‌نرديلر. فايتونچي‌نين فايتون‌اوزه‌رينده شاهانه بير ساياقدا شاخ دورماسي‌دا ديل‌لر ازبري‌ايدي. جشن‌مراسمي صونا چاتاركن، آمريكا سلاحينا بورونموش فرمانده‌لر طرفيندن،فايتونچي‌نين شأنينه، قالمايان سؤزلر سؤيله‌نردي. ارتش فرمانده‌لري اونو«آذربايجان‌ناجي‌سي» و «شاهچي‌لارين تاجي» آدلانديرارديلار. گونلرين‌برگونو فايتونچي‌يا پيچاق ويرسايدين قاني چيخمازدي. دئمگ ايله«ييرمي‌بير آذر» گونو عاشورايا دوشموشدي. آخي عزا گونو اولدوغوناگؤره، شاه‌سارايي «ييرمي‌بير آذري» جشن توتماماق مجبوريتينده‌قالميشدي. بودا «فايتونچي» يا برك توخونموشدور. آز قاليردي باغري‌چاتلاسين‌كي اؤزونو ساخلايا بيلمير. تر ـ تله‌سيك فايتوني سازلاييب‌زورنا ـ بالابانچي‌لاري دولدورور ايچينه. دئمه جماعت‌ده ايشي آنلاييب‌غيرت قانلاري جوشسون. جان اونون جهنم تاري‌نين. باش‌ياران‌قمه‌سي‌ايله زنجيرووران زنجيري‌له فايتونچي‌يا نه يئييب‌سن تورشلو آش.اوگون فايتونچي‌نين آنادان أمديگي سود بورنوندان گلير. مدال ـنشان‌لاري‌دا تالان اولور. آمما خبري‌نيز يوخدور خبردن‌كي بو آخيرلاردااو آللاه درگاهينا يالوارماقدان لاپ ياري جان اولموشدور. آللاهدان اؤلوم‌ايستيردي آللاه‌دا وئرميردي. داها فايتونچي‌نين باشيندا بير قارا توك‌قالماميشدير. بير دري اولموشدور بير سوموك. «شاه» ين قاچماسي‌بئچارا كيشي‌ني لاپ سارسيتميشدي. بير ياندان‌دا انقلابچي‌لارقورخوسوندان «شاه» شكيل‌لريني يانديريب، تبرليك ايچون‌ده ائوينده‌بير شاه عكسي قالماميشدير تا سحرلر شاه جماليني زيارت ائديب‌توك‌لري آغارماسين. انقلابين ايلك گونلرينده، فايتونچي‌دان‌ضدانقلابچي بيرده اؤزوايدي. كور توتدوغون بوراخمايان كيمي،فايتونچي‌دا شاهچي ليقين‌دان أل اوزه‌ن دئييل‌دي. گئديب مقبره‌يه دخيل‌دوشوب آغلاييب سيزلاييردي. آللاها ـ «يا مني اؤلدور يا شاهي قايتار»دئييردي. انقلاب هله ظفر چالماميشديركي اودا مُرادينا چاتدي. بير ـايكي‌ني سايانا قدر عزرائيل اؤزونو يئتيردي. شَهَره جار دوشدوكي‌فايتونچي اؤلدي. شاهپرست ضدانقلابچي‌لار توپلاشيب، شكوه وطنطنه‌ايله آپاريب قوجامان بير شاهچي‌ني تورپاقا تاپشيرديلار. قَبيرداشي‌سي‌نين اوزه‌رينده بئله يازيلدي:
«قوجامان شاهچي و آذربايجان ناجيسي مرحوم فايتونچي»
اوگون شاهچيلار عليهينه چيخان تظاهراتدا بئش يوزه‌ياخين‌شاهچي باشي سيندي. نييه‌كي «قوجامان شاهچي» صفتي فايتونچي‌نين‌اوزونه دوشَن سؤز اولسايدي‌دا اونون «آذربايجان ناجيسي» آدلانماسي‌لاپ خلقه آغير گليردي. مخصوصاً فايتونچي‌نين اوزونه دوشمه‌ين بو سؤز«يورقان علي» يه بير اود قويموشدوركي گل گؤره‌سن. آخي 1325-نجي‌ايلده محمدرضا شاهين آذربايجانا باسقين ائتديگي ييرمي‌بير آذر گونو،يورقان علي‌نين دؤيوشجول آتاسي ابراهيم باققالين آياقلاري، رستم‌فايتونچي‌نين ألينده نامردجه‌سينه ناللانميشدير. صونرالاردا ابراهيم‌باققالين جانسيز بدنيني آتلارا باغلاييب كوچه‌لرده سوروتده‌ميشدي.فايتونچي، ييرمي‌بير آذرده اولان كوتله‌وي قيرقين‌لارين اساس‌اشتراكچي‌لاريندان‌ايدي. فايتونچي‌نين ألده ائتديگي بو افتخارلارا گؤره‌ايسه، شاه باباسي‌دا اونو اونوتماميشدي. اونون كؤكسونو قيزيل ـ گوموش‌مدال‌لارايله دولدورموشدور. آمما سيزه دئييم شهرين جماعتيندن‌كي،فايتونچي اؤلن گوندن بري، عزرائيلي يئرده گؤيده آختاريرلار. آخي اونلاراؤزلرين، فايتونچي‌نين عزرائيلي اولماق ايسته‌ييرديلركي عزرائيل‌اونلاردان زرنگ چيخميشدي. ايندي شهر اهلي‌نين هر بيريسي، «دلي‌دومرول» كيمي عزرائيل آختاريرلار.
1360