حضرت ایوب ناغیلی - قرآن ناغیللاری - علیرضا ذیحق
قرآن ناغيل لاري:
حضرت " ايوب " ون داستاني
" ايوب " ون بير جه آللاها اينامي او قَدَر گوجلو ايدي كي او زامانا جان كيمسه اونجا تانري يا شوكر ائتمه ميشدي . بو اوزدن ايسه بوتون ملك لر عرش دن اونا واله و مفتون حالدا باخاراق " ايوب " ون شاً ني وشوكتي گونو گون دن تانري حوضوروندا آرتيردي . بو ايش " ايبليس" ين جانيني سيخاراق پاخيل ليق و حَسَد دن آز قالا پاتليردي . ايبليس " ايوب " ون جلاليني سينديرماق ايسته ر كن اونو چئشيدلي مصيبت لره و بلا لره دوچار ائتمك فيكرينه دوشوي اؤز شيطاني دوشونجه لري له ايّو با مسلّطاولماقا چاليشدي . او بو خيال ايله كي ايّو بون بوتون دوعا لار ي و آللاها عيبادتي اونا وئريلن نعمت لر اوچون دي و ااگر دونيا مالي ني و زنگين لي ييني اً ل دن وئرير سه بو نيياييش لر ي ده ازالا جاق دي باشلادي اونون بوتون باغلاريني و اكينه جك لريني اودا چكيب كول ائتمه يه .آمما ايوب ب و مال دؤ و لتي اَل دن وئر مك له هئچ بير ايضطيراب ياشاما دان و آجي ليق دويما دا ن ، يئنه عيبادت و شوكر ائله مه سيندن اَل چكمه دي و بو يوخسوللوق اوزره نه تانري يا و نه خلقه آزجا دا گيلئي و شيكايت ائتمه دي .
صبير و دؤزوم له بو چتين ليك لره يا نا شاراق تانري يا شوكر ائتمه يي بير آن اولورسا دا اونوتما دي . ايبليس بئله گؤر دوك ده ايّو بون صبريني بيتير مك او چون اونون 7 اوغلو و 7 قيزيني دا بير يئرده دامي باشلا رينا اوچورداراق هلاك ائتدي . آمما ايّوب ، درده وغو صصه يه دوشسه ده يئنه ده عيبا دتده اولوب بو ايشي آللا هين مصلحتي بيله رك متانت ، ووقار و صبر ايله قار شيلاما قا چاليشدي .
شيطان بو دؤزومه و ايناما حئيران قالا راق يئنه عقله گلمه ين مصيبت و بلا لاري دوشونه رك اونون صَحَت بدنيني آلماق قرارينا گلدي .
ايوب چوخ آغير و علاج سيز لي يه ياخالا نار كن ، بدني ائله يارا لار تؤكدو كي اونلاري اوقََدَر داش وكسسك لر له بير سوره دهبدني نين أت لري ساللاناراق قان ، چيرك و عوفونت اونو جانا گائله اولدو كي بو ناخوشلوق اوزره ، اونو شَهَر دن ديشاري آتيب تكجه حيات يولداشي" رحمت " خانيم كي " يوسف" ين قيزي ايدي بيله سينه صاحاب دوردي .حضرت ايوب بو عذابلار لا يئنه عيبادتد ن چكينمه دن حتتا آغزين آچيب بير شيكايت ديلينه گتير مه دي . چك دييي مصيبت لر بير طرفه خلقين شماتتي ده بير يانا. اونو هر گؤردوك ده دئيير ديلر : "سن كي هر واخت سوفره ن آچيق ايدي و او سوفره نين باشيندا كيمسه سيز لر و يئتيم اوشاق لار اوتوروردي نييه گرك بو بلالا را دوشه ر دين ؟ سن كي هر هاردا اؤنونده ايكي يول اولاراق هميشه او يولو سئچه ر دين كي آللاهين ريضاسي اوندا ايدي ، سن نييه گرك بو مصيبت لره دوشه ردين ؟"
ايوب 7 ايل عذابا ، خسته ليگه و خلقين شَما تَتينه دؤزه رك تانري دان آنجاق بير ايسته گي اولدو و اودا بوكي منه بير حجت ، نَد َن و دليل عينايت ائله كي اوجاوابي وئرمك له بلكه خلقين آغزي باغلا نا. بو جسارتي اوچون ده تانري دان مرتب يا غيش ديله دي .
آلله تعا لا دا بو عظمت لي روحون قارشيندا و اونون نه قَدَر آجي يا صبر ي و دؤ زو مو اولاراق ، ايوبا پاداش وئره رك او نون قارشيندا بير بولاق جوشدورو . حضرت ايوب بو بولاق دا دوشوب چيمه رك بوتون يارا لاري توختادي و ديشاري چيخديقدا داها بير بولاق گؤردو. اونو ندا سويون دان ايچه رك جوانليقيني تاپدي و خانيمي كي بو معجزه لره شا هيد ايدي جماعته خبر وئر ديك ده هامي ايوبون دؤوره سينهييغيشدي .خلق گلديك ده آلله تعالا نين ايراده سي له ائولاد لاري دا ديريليب هامي اونلاري ساغ ساغلام گؤردوك ده ايوبون قوروموش اَكين لرينده ده بيردن بيره تاخيل لار يام ياشيل دالغالا ندي . مال حئيوانلري دا يئني حيات تاپيپ زنگين ليگي كئچميش دن ده داها آرتيق اولدو .
آنجاق ايوب كئچن لرده آنلار كن كي آروادي اونا خاطير گيزلي جه صدقه ييغيب دير آند ايچميشدي كي شفا تاپيرسا اونو 100ضربه قامچي لا ، جزالانديرسين كي بيردن گؤزي حيات يولداشي نين كسيلميش ساچلارينا ساتاشدي و خانيمي دئدي :" آجي ميزدان اؤلمه يه رك دئيه گئديب طعام ايسته ر كن اونلار قارشيندا منيم ساچيمي ايسته ديلر ."
ايوب بو سؤزو ائشيده ركن بيردن بيره گؤردو كي تانري نين امري له يوزجا دانا نازيك خورما شيوي يان يانا دوزولدي. بئله ليك له آنديني سينديرما ماق اوچون او شيو لرين بيري ايله تازا هله بير ضربه ووروب وورماميشدي كي ، شيو خانيمي نين بدنينه ده يمك له اونون جوان لاشماسي بير آن چكمه دي .
حضرت ايوبون خانيمي " رحمت " قاباقكي ائو لاد لاردان باشقا ، 26 اوغلان داها دوغوري و عؤ مور بويو سعادت له ايّوبون كناريندا ياشاماق لا، بيرجه آندا تانري نين عيبادتيندن چكينمه يير .
"ابليس" بو ايش لره مبهوت قالاراق بير داها آنلادي كي تانري نه اوچون حضرت" آدم " ي بوتون ملك لر دن اوستون ساييردي وبو ايش ده نه قَدَر بؤيوك و درين حكمت لر وا ر ايميش .