زلفي کيمي آياغين قويماز اوپم نيگاريم
يوخ دور اونون يانيندا بير قيلجا اعتباريم

انصاف خوش دور اي عشق، آنجاق مني زبون ائت
هابويله محنت ايله کئچسين مي روزگاريم؟

بيلدي تمام عالم کيم دردمند عشقم
يارب هنوز حاليم بيلمز مي اول نگاريم

وصلين دن آيري قانيم نولا توکولسه گول- گول؟
من گلبن خزانم بو فصل دير بهاريم

تصوير ائدن وجودوم يازميش اليمده ساغر
رفع اولماغا بو صورت، يوخ الده اختياريم

دور ايسته من زماني، مي نشئه سين باشيمدان
تورپاق اولاندا يارب، درد مي ائت غباريم

رسوالرين دن اول مه سايماز مني"فضولي"
ديوانه اولماييم مي، دونياده يوخ مي عاريم؟


یازان: فضولي