ترشح قبريمين داشيندن ائتميش، چشميمين ياشي
خيال ائيلر گورن کيم، لعلدن دير قبريمين داشي

نه زيباسن کي صورت باغلاماز، تصوير رخسارين
تحير صورت ائيلر صورتين، چکديکجه نقاشي

نولا گرداب غم ديرسا دل سرگشته دونيايه؟
سانير کيم چيزگينير عالم، کيمين کيم چيزگينير باشي

سپهر پر کواکبدن، دئييل درده دوا ممکن
خيال ائتمه وئره ترياک زهر غم، بو خشخاشي

بقاسي ممکن اولمازاولسا گرديوار عمرونده
مه و خورشيددن خشت وبنا، افلاکدن کاشي

وئرر امواته احيا باده، گوياکيم چيخيب هرگون
سالير فيض مسيحا باده يه، ميخانه خفاشي

"فضولي" ني ره عشقينده، اشک آل ائدر رسوا
بلادير هر کيمين بير يولدا، غماز اولسا يولداشي


یازان: فضولي