يئنه اول ماه منيم آلدي قراريم بو گئجه
چيخاجاق دير فلکه ناله ي زاريم بو گئجه

شمع وش محرم بزم ائيله دي اول ماه مني
ياناجاق دير هجر اودونا، واريم بو گئجه

هم وصالي اوت اولور جانيما، هم هجراني
بير عجب شمع له دوشدو، سروکاريم بو گئجه

نه توتون دور کي چيخار چرخه، دل زاره مگر؟
هجر داغيني اورار لاله عذاريم بو گئجه

پاره- پاره جيگريم، ايتلرينه نذر اولسون
اول سر کويا اگر دوشسه گذاريم بو گئجه

صبحه سالدي بو گئجه شمع کيمي قتليمي هجر
اولا کيم صبح گلينجه، گله ياريم بو گئجه

وارايدي صبح وصالينه "فضولي" اوميد
چيخماسا حسرت ايله، جان فگاريم بو گئجه

یازان: فضولي