ده اي جيران


گؤزل ياريم ده سن آخر کي من دن نه خطا گؤردون ؟


مني سن تــک قويوب گئتدين مگر جانا جفا گؤوردون ؟


خطا ياپديم مني اُؤلدور ولي آخر بــــــــو نه اينصاف


کي هيجران درديني اي يار منيم جورمه سزا گؤردون


ده اي جيران منيم چيرکين بو ظاهيردن خوشون گلمير ؟


و يـا اين کي بو موددت ده مني سن بي وفا گؤردون ؟


سنه قالديم کي کيم بويله مني پيس دن ده پيس ائتدي ؟


کي من دن آيري گزماغي اُؤزووه سن روا گؤوردون


گؤزل سويله منيم بو شيطنت لردن چکيلدين سن ؟


و يــــــا اينکي مني آخر اُؤزون دن ده بلا گؤردون ؟


سؤزون اصلين منه سن ده وگرنه بول بو دور فيکريم


مني سن شاه بيليردين ليک گليب بيردن گدا گؤردون

 

شاعیر : وحید شکرزاده