نصیحتی از ثعلبیه : هر کیم آرپا اکسه بوغدا بیچمز

بلی دونیا ائوینده هرنه آفات                       گله گر باشوه اولموش مکافات
نه گلسه باشوه گور اوز گوزوندن          مشخص بیل اوزوندن دور اوزوندن
اوتورسا اوز توکی اوستونده هر کس              توکی ترپنمز اصلاً ای مقدس
یئتیمی اینجیدیب سالما فغانه                        یئتیم ائیلر ، اوشاقلارون زمانه
گوزوم البته اینجییتمه فقیری                        اولورسان بیرقوینون دستگیری
زکاتون وئرمه سون یئتسه نصابه                     وئررسن جرمیه گلمز حسابه
اگر رد ائتمسون رد مظالم                         اونو سندن آلیر بیر گوجلی ظالم
سن اوزگه اهلینه گوز تیکمه باخما                 باخارلار  اهلیوه اوندا داریخما
عزیزیم احتیاطون وئرمه الدن                         همیشه قورخ مکافات عملدن
ایشون بدسه قباقوندان چخار بد                 یوخوندور باک اگر اولسون مجرد
جهنم اهلی آب کوثر ایچمز                      که هر کیم آرپا اکسه بوغدا بیچمز
عبادت یوخسا  ساللانما  بهشته                  آیاغلارون چولاقدور چیخما گشته
اطاعت اتمیوبسن اومّا رحمت                جهنم دور یئرون گئت وئرمه زحمت