نیر اوغلو دان گوزل بیر شعر

یاشیل معنادوْپ دوْلـو مينـا ايچينـده، دوم دورو صهبـا جوشور
دوم دورو صهبا ايچينده ، دوْپ دوْلـو مينـا جوشـور


قپ قـره زولفـون ساليـب كؤلـگه آغ آپپاغ آي اوزه
شيپ شيـريـن ياقوت دوداغدا، فيهمافيها جوشور


تؤكـدو اول كيپـريكلـرين آل قانيمي قيپ قيرميزي
گؤم‌گؤي اول شهلا گؤزونده، ده‌پ درين درياجوشور


تك منيـم كؤنلوم ده‌ييل دوشموش زنخـدان چاهينه
بلكه عشقين قايناغيندا ميـن دل شيـدا جـوشـور


آيريليقـدان گؤزلـريـم قـان ياش تؤكركن سينه‌مه
قوپ قـورو يانقين دؤشومده يام ياشيل معنا جؤشور


گوز ياشيـم عكسيـن ساليـر مَه صورَتين آيينه تك
مجنـونـام گـؤزياشلاريمـدا صورت ليـلا جـوشـور


توركـونـون اعجازينين گؤستر نيراوغلو گوشه‌سين
تاكي ائل بيلسين بوديلدن بال سوزور دوغبا جوشور

 

شاعیر : نیر اوغلو