آتا نصیحتی

آتامون بو سؤزو چیخماز قولاغیمدان که دئدی
ای اوغول بو تازا دوسلار که آلوب باشه سنی

بولارین دوسلوقونون مودتی دورد بئش گون اولار
قورخ او گوندن گوتون اوسته وورالار داشه سنی

دستماز تک بولارین دوسلوقی تئز باطیل اولار
دئمه صوندان دئمه دین من سالورام باشه سنی

سنه هر کس دئدی دوستام اونو بیل مطلبی وار
فیکری سندن پیلو آلسین چاغیریر آشه سنی


ده ده سی خیرینه هرگیز قجله دالینا قاشماز
بیری اود یاندیراجاق استونه ده ماشه سنی

بد گونونده ساتار الدستی سنی بیر قیرانا
خوش گونونده او کی وئرمیر ایکی قارداشه سنی

باخما دونیانین اوغول نازینه عیش عیشرتینه
کامیاب ائتمیه جاق بو زن عیاشه سنی