گله جك

Gələcək

بو ياساق ديللي ائلين دردينه درمان گله‌جك

تاپدالانميش آنانين گؤوده سينه جان گله‌جك

قورودوبلارسا كؤكوندن بو ائليميزين دامارين

بير گون آمما بو دامار ايچره اينان قان گله‌جك

بير زامانلار ائلي آغلاتدي آرازين هارايي

يئنه شنليك هارايي بيرده آرازدان گله‌جك

چكديلر ناحق‌ايله حق دانيشانلاري دارا

نه يامان گوندو بو آللاه- سؤيله: ايمان گله‌جك

گئتدي ستارلار آمما –قانلاري دامدي بو يولا

ايز قويوبلار يئنه ده يوللارا اينسان گله‌جك

داي گوناه دير مي دانيشماق دا آنانين ديلينه؟

هاردا يازدين سؤيله آلله يئني قورآن گله‌جك

تالانيب دير اؤز قيزيل بايراقي آلتيندا ائليم

آمما بير گون بيليرم دونيايا وجدان گله‌جك

باخين اؤزگورلوك آچيب قوللاري بابك ائلينه

سسيميزدن « ياشاسين آ‌ذربايجان » گله‌جك

پينار