چال اوینا

 

گؤی گؤللرده اوزر قازلار

لاچین آی ووروب توکونو تؤزلار

دسته دسته گلیر قیزلار

گلیر آی نازلانا نازلانا

 

مهریبانیم گول اوغلان

دور اوینا چال اوینا

قشنگ اوغلان گوزل قیز دور اوینا

گوزل اوغلان قشنگ قیز چال اوینا

 

دوست باغیندا آچیلمیش گول

ساریلمیشدیر گوله بولبول

قیزلار سانجمیش تئلینه گول

گلیر آی نازلانا نازلانا

 

دوست باغیندا بیتر آلچالار

تئز چیچکله یر یئتر آلچالار

تویلاریمیزدا بئله فایدا وار

قیزلار اوینار ، اوغلانلار ال چالار

اوغلان لار اوینار قیزلار ال چالار