قمر جان

سؤزلر : عاشیق علسگر

 

چرشنبه آخشامی ، چشمه باشیندا

گؤزوم بیر آلا گؤز خانیما دوشدو

آتدی مژگان اوخون ، کئچدی سینمدن

نازی غمزه لری جانیما دوشدو

 

جان جان قمر جان

بئلده کمر جان

گؤزلری مرجان هئی

قادان آلیم ، ای

قادان آلیم

 

اشارت ائیله دیم دردیمی بیلدی

گؤردوم هم گوزلدی هم اهل دیلدی

باشینی بولادی ، گؤزوندن گولدو

گولنده قاداسی جانیما دوشدو

 

علسگرم هر علمدن حالی یام

گؤزل سن دردلیسن من یارالی یام

دئدی ، نشانلی یام ، ئوزگه مالی یام

سیندی قول قانادیم یانیما دوشدو