گئجه لـر عؤمروٍمـون آتيلان پايـي
گئجه لـر حـاياتيـن سوْنونا بنزه ر
گئجه لـر بوْغولور، گوٍندوز هارايي
گئجه لـر گوٍندوزون سوْنونو گؤزلر

گـوٍنشــي اليــمدن آليـر گئجه لر
دوٍنيامي دؤنده رير ظوٍلمت زيندانا
ظوٍلمتين ظوٍلموندن يازيب نغمه لر
دان يئـري گؤزوٍمدن دوْغور جاهانا

گاه  منـي اوٍيودور خاطيــره لـرده
گاه دا كي، اؤزوٍمله باش باشا قوْْيور
گاه  منـي اويودور خاطيــره لـرده
اؤزوٍمو- اؤزومه بـاش داشي قوْيور

گئجه نين قوْينوندا اوْجاق چاتيرام
قافيـل اسـن كوٍلك، دورور قصديمه
گئجه نيـن باشيني  سؤزله قاتيرام
فوٍضولي قضه بي قالخير اوٍستومه

ايكيـجه يـوْلـوم وار، ايكيـجه  هلـه
يا گره ك عؤمروٍمو قوْرخويا  وئريم
يـادا كـي،  قاريشيـب گئجه يه  ائلـه
گـؤزوٍمون گـوزوٍنو  يوخويا وئريم!

یازان:  خاقاني عابباس علي