قانلي باخيشيندا جاناوار قورسادا گردك
ايت لر يورودو گوزلرينين سئيرينه بابك

دونمزدي داها نيسگيله جمهور قالاجيقلار

ائل بير كلاشينكف اله سالسايدي سنين تك

گوزلرده موغول لار چاپا- چاپ آت يورودورلر

اللرده سه بارماقلاري هورمكده هورومجك

يوخ! بير جاناواردان توره ديك ائتمه اوجال داغ

سنده يولاجاق بوز قاريلار ساپ- ساري بيرچك

نسلين قيلينجي سندن آليب، قيندا چوروتدو

ايندي سه او قيندان جوجه رن توپلارا باش چك

چارتلات قالاني داشلارا سيلديرلارا سيغما

قان تانريسي، قان تانريسي، قان تانريسي بابك

یازان:  آتيلا كيشي زاده