خوبلار بزمينده لعلين گوهرافشان اولسا يئي
غنچه ي سيراب گولزار ايچره خندان اولسا يئي

سرو و گول نظاره سي گر خوب ايرور بستان آرا
ليک نخل قامت و رخسار جانان اولسا يئي

خط عنبر فاميني قيلما عذاريندان تراش
کيم بنفشه يه نئچه زيب گولوستان اولسا يئي

خطيني گولگون صفحه دن حک ائتسه ن اولور بدنوما
حک اوزوندن اولمايا اول خط ريحان اولسا يئي

عارضين گورجک کونول مرغي نوا چکسه نه عئيب
هر نئچه بولبول گولوستاندا غزلخوان اولسا يئي

بئل و آغزين رمزي وکيفيتيم بيلمز رقيب
غيردن هر نئجه سر غئيب پنهان اولسا يئي

چون ميسر دولت وصل اولماز ايميش هيجرسيز
بس "مسيحي" همدمين اندوه هيجران اولسا يئي

یازان:  تبريزلي مسيحي