دوزلی اوغلان آذربایجانی تورکی شعر موزیک

Gözəllər maralı

Ax gözəlim bir mənə bax soylə ki sən sən haralı

Qurban olum gözlərivə geşmə yanımdan aralı

Sən qoyusan oxlarıvı öz o kaman qaşlarıva

Hey vurusan onları sən ta ki olam mən yaralı

Düz o zaman ki görürəm gül üzüvü heç bilisən

Bir günə can mən oluram həm yuxulu həm havalı

Bil yumuram gözlərimi dunyanın o güllərinə

Ta ki gözəl mən eşidim sən də olubsan vəfalı

Eşq havası ki oturub qəlbimin üstündə bügün

ərzişin əldən verib axər gözümə dunya malı

mən sevirəm çoxlu səni sən də məni istəginən

ta olasan məcnünüva leyla gözəllər maralı

Şair : Vəhid şükürzadə

 گوزللر مارالی

آخ گوزلیم بیر منه باخ سویله کی سنسن هارالی

قوربان اُولوم گؤزلریوه گئشمه یانیمنان آرالی 

سن قویوسان اُخلاریوی اُوز اُو کامان قاشلاریوا

هی ووروسان اُونلاری سن تا کـی اُولام من یارالی 

دوز اُو زامان کی گؤرورم گول اوزووی هئچ بولوسن 

بیر گونه جان من اُولورام هم یوخولی هم هاوالی 

بول یومورام گؤزلریمی دونیانین اُو گوللرینه  

تا کی گوزل من ائشیدیم سن ده اُولـوبسان وفالی 

عشق هاواسی کی اُوتوروب قلبیمین اوستونده بوگون

ارزیشین اَلدن وئریب آخر گؤزومه دونیا مالی 

من سویرم چوخلی سنی سن ده منی ایستگینن

تا اولاسان مجنونووا لیلا گوزللر مارالی

شاعیر : وحید شکرزاده