گئدیرسن گئت

 

 

Gedirsən get

 

Gedirsən get dəli könlüm səni istər olunca yar

Gecə gündüz buludlar tək yağar gözlər dalınca yar

Səninlə mən bərabər olmadım heç vaxt həqiqətdə

Xəyalimda vəli hər an mənimləsən doyunca yar 

Elə sevdim səni cana ki aləm heyrətə gəldi

Nədən küsdün çıxıb getdin məni dərdə salınca yar 

Sənə nisbət belə şiddətli bir sevdamı bilmirdim

Düşündüm mən bu ehsası biraz sənsiz qalınca yar

Mənim qəlbim gülə taydı sənin eşqin ona candı

Yaşayış illətim sənsən mənim ömrüm solunca yar

Son arzumdur mənə qaytarma bu divanə qəlbimi

Gedirsən sən barı qalsın mənim qəlbim yanınca yar

 

Şair : Vəhid Şükürzadə

  

 

گئدیرسن گئت

 

گئدیرسن گئت دلی کونلوم سنی ایستر اولونجا یار

گئجه گوندوز بولودلار تک یاغار گؤزلر دالینجا یار

سنینله من برابر اولمادیم هئچ واخت حقیقت ده

خیالیم دا ولی هر آن منیمله سن دویونجا یار

ائله سئودیم سنی جانا کی عالم حیرته گلدی

نه دن کوسدون چیخیب گئتدین منی درده سالینجا یار

سنه نیسبت بئله شیددتلی بیر سئودامی بیلمیردیم

دوشوندوم من بو احساسی بیرآز سنسیز قالینجا یار 

منیم قلبیم گوله تایدی سنین عشقین اونا جاندی

یاشاییش عیللتیم سنسن منیم عومروم سولونجا یار

سون آرزوم دور منه قایتارما بو دیوانه قلبیمی  

گئدیرسن سن باری قالسین منیم قلبیم یانینجا یار

 

شاعیر : وحید شکرزاده

 

  

بختیار وهابزاده دن بیر تورکی شعر

بختيار وهابزاده

آرتیق دؤنوب دؤوران دئییشیب زامان
گلمه ک ایسته ییرم حاققا سجده یه
ایمداد ایسته مک چون ایندی تانری دان
هر گئجه اللریم اوزانیر گؤیه
*
الهی قلبیمی آچیرام سنه
چین ائیله سن منیم رویالاریمی
دیز چؤکوب اؤنونده گلدیم سجده یه
قبول ائت سن منیم دعالاریم
*
عبادت آللاها پنهانی صحبت
عبادت اؤز آرزوم اؤز نیتیم دیر
آمما باجارمادیم یاش اؤتوب فقط
منیم دعالاریم عبادتیم دیر
*
آللاها دعاما ناماز یئرینه
باشقا جور عبادت باشقا یول دئدیم
قول بویون باغلی دیر بیری بیرینه
بوینون اؤز یوکودور سینمیش قول دئدیم
*
چوخدور گناهلاری عمور یولونون
نئینه رم بو سؤزو منه ائل دئسه
من نیه گره یم سینمیش قولومون
یوکونو ، جورونو بویونوم چکسین؟
*
یامان اوسته له دی گناه توبه نی
روح دا نفسیمیزده یوخ اولموش بیزیم
الهی اوقدیر اونوتدوق سنی
بصیرت گؤزوموز توتولموش بیزیم
*
دوردو اوزوموزه گناهلاریمیز
بنده لیک ائتمه دی تانریا بنده
سنی یاخشی گونده اونوتدوخ یالنیز
دوشدون یادیمیزا دارا دوشنده
*
دنیانین غریبه اویونلاری وار
دونن آلدانانلار آلدادیر بو گون
دونن سنی دانیب رتبه آلانبلار
سنی تبلیغ ائدن مولا دیر بوگون
*
یاربیم سن اؤزون کمک اول بیزه
ایشیق ساچ قارانلیق اوره ییمزه
بیر بو وار دنیادا یاشارکن یوخوق
سن یوخویکن وارسان ، بیز وار کن یوخوق
*
ان عادی ان کیچیک حاققیمیزلا سن
بیزی امتحانا چکمه آماندیر
*
گل بو امتحاندان سن قورتار بیزی
یاربیم عاغیل وئر کمال وئر بیزه
چوخدان اونودموشوق دشمنیمیزی
دشمن کسیلمیشیک بیر بیریمیزه
*
یول بیر اولمالیدیر ، عقیده بیرسه
نئچه طریقییه بؤلونموشوک بیز
عائله تیره لیک دیدیشمه دیرسه
ملته تیره لیک فلاکتیمیز
*
وطن بیر ، ملت بیر ، یوللار جور به جور
عقیده آغ یالان ، مقصد کور سودور
کهنه بایاتی یا کهنه سس کویه
تزه آد وئردیلر عنوان وئردیلر
گؤزه کول اوفوروب اوجا کورسویه
عقیده پالتاری گئییندیردیلر
*
تاریخ صحنه سیندن قورخورام سیله
بیری بیریمیزه بو نفرت بیزی
عفو ائت سوچوموز ، بیزه رحم ائله
بو درین اوچورومدان خیلاص ائت بیزی
*
نه حیله تانیدی نه تله ملت
سنین آنان اؤلسون آ بئله ملت
*
بیزی ائندیردیلر گؤیلردن یئره
قایتار تاریخیمین قیزیل چاغینی
الهی حکمونله قالدیر گؤیلره
اسلام بایراغینی تورک بایراغینی.

بال قیز

"بال قیز"

بیر الینده چالقیسی سامان تایی کورک ده

اوندان آغیر داغ کیمی بیر یوکی وار اورک ده

یالین ایاق گزردی ایستی ده یا کولک ده

یوللار گوزلردی بال قیز

نه بیر اوغول یاپیشسین تابودوندان اولنده

غم یاغاردی اوزوندن او هر زامان گولنده

یوخ اوشاقا پای قویوب او هر نه دن بولنده

اورک کوزلردی بال قیز

قاپی دا یا قونشودا او بیر اوشاق گورنده

یا بیر آنا قیزینین ساچلارینی هورنده

یا بیریسی اوشاقین قاپی دا دوردورنده

حسرت اوزلردی بال قیز

یوخ بال قیز اولمه ییب دی او غملرله یاریشان

یالین آیاقلاردی او یالین یولا قاریشان

اینتیظار اورک لرین ایچینده کی آلیشان

یانان کوزلردی بال قیز

اوجا آغری داغی دیر غم چنی نه بورونموش

غملی اورک ائوی دیر شن دامیندان کورونموش

ایتگین لری دالیجا یوللار بویو یورونموش

یورقون گوزلیردی بال قیز

ایندی ده وار پیریک ده بیر جوت حسرت گوز باخان

بیر جوت یالین آیاقا یولو باشماق تک تاخان

"پیریکلی"نین اینتیظار اورک دیلیندن آخان

یاخان سوزلردی بال قیز.

"بال قیز"پیرزن مهربانی در روستای پیریک(پروچ)بود که بچه نداشت(سون سوز ایدی).او اکثر اوقات با پای برهنه رفت و آمد می کرد.مردم این حال او را به سخره می گفتند و می گفتند پیرزن با اینکه بچه ندارد باز خساست می کند و... .ولی شاعر این عمل او را با نگاهی شاعرانه دلیل انتظار او می داند،انتظار بچه ای که هیچ وقت نیامد.بچه ای که عصای دستش باشد،بچه ای که در بستر مرگ بر بالینش باشد،گوشه ی تابوتش را بگرد،بچه ای که...  .بله "بال قیز"منتظر بود و با پای برهنه تمام جاده های انتظار را در نوردید؛مگر منتظر وقت کفش پوشیدن می کند؟مگر او به خود فکر می کند؟منتظر تمام وجودش دیگری است،آن دیگری که حتی نیامد گوشه ی تابوت "بال قیز"را بگیرد.

روحش شاد و قرین رحمت باد.

این شعر را تقدیم روان پاک او و همه ی آنانی می کنم که چشم به راهند.به امید پایان انتظار