سئوگی قوشو - وحید شکرزاده

Sevgi quşu

 

Gəl bura ey sevgi quşu get yarımın xidmətinə

 

Söylə səni yar unudub getdi o öz qismətinə

 

Get deginən qoy sevinə ayrılıqa həsrət olan

 

Söylə ki yar son qoyacaq sevgidəki həsrətinə

 

Söyləginən başdan atıb məst eliyən qaş gözünü

 

Hətta deki istəmiri sən gələsən söhbətinə

 

Amma demə aşiqinin göz yaşı sellər tək axır

 

Söyləməki söyləmədi bunları öz rəğbətinə

 

Söyləmə qan ağlayırı halı pərişandı onun

 

Bilməsin o mən hələdə aşiqəm gül sürətinə

 

Söyləmə hicrində yanır söyləmə eşqində yazır

 

Söyləmə yoxdur dözümü o öləcək hicrətinə

 

Şair : Vəhid Şükürzadə

 

 

 

سئوگی قوشو

 

گل بورا ای سئوگی قوشو گئت یاریمین خیدمتینه

 

سویله سنی یار اونودوب گئتدی او اؤز قیسمتینه

 

گئت دئگینن قوی سئوینه آیریلیقا حسرت اولان

 

سویله کی یار سون قویاجاق سئوگی ده کی حسرتینه

 

سویله گینن باشدان آتیب مست ائلیین قاش گؤزنو

 

حتی ده کی ایسته میری سن گله سن صحبتینه

 

آمما دئمه عاشیقینین گؤز یاشی سئللر تک آخیر

 

سؤیله مه کی سؤیله مه دی بونلاری اؤز رغبتینه

 

سؤیله مه قان آغلاییری حالی پریشان دی اونون

 

بیلمه سین او من هله ده عاشیقم گول صورتینه

 

سویله مه هیجرینده یانیر ، سؤیله مه عشقینده یازیر

 

سؤیله مه یوخدور دؤزومو او اوله جک هیجرتینه

 

شاعیر : وحید شکرزاده