عاشیقم
بیر سرو بویلو ، دوداغی غنچه
مارال باخیشلی یارا عاشیقم
اولارام گونده یوز یول قوربانی
بئله بیر گول عذارا عاشیقم
گئجه صبحه دک ائده رم ناله
دوشمز هئچ کونلوم اؤزگه خیاله
گردنی مینا ، آغزی پیاله
لهجه سی شیرین کارا عاشیقم
گولنده لبیندن بالی آخان
بزنیب سرخوش طاووس تک چیخان
نقاب آلتیندان پنهانی باخان
عجایب خوشرفتارا عاشیقم
بایاتیلار
ساری گلسین داغا دولسون
بولبوللر باغا دولسون
سئودیگیم یار یولوندا
جانیم صاداغا اولسون
سیر سؤزون منده قالسین
سالدیم کمنده قالسین
جان منده قرار تاپماز
قوی وئریم سنده قالسین
سحرین گولشن چاغیندا
نه گزیرسن باغی بولبول
اوخودون عاغلیم آپاردین
اودون منه یاغی بولبول
زنخدانین خالدی یار
دیل دوداقین بالدی یار
سنده کی بو گوزللیک
عالمه سس سالدی یار
آچیق باشدا اگر اولسا بیر دیلبر
اوندا بو نشانه لر معین گرک :
اندامی آینه ، قدّی معتدل
سیاه زولفو قامتینه تن گرک
یاشادیقجا جوانلانا ائنلنه
بیر حجابدا بیر پرده ده ایلنه
نطق نفسیندن جانلار دیللنه
شیرین دانیشیان خوش گولن گرک
طاووس کیمی جلوه لنههر سحر
بزک وئره جمالینا سر به سر
دیندیرمه میش وئره کونولدن خبر
اشاره آنلاییب ، حال بیلن گرک
آخ ! ...
آی ترلان
دور سالان
بختور
من اوللام
یاناغی لاله نین یاناغی کیمی
لب لری یاقوتون کناری کیمی
بیر دنه طبیعی میرواری کیمی
باشدان آیاغادک آغ بدن گرک
بیر نازیک کماللی ، بیر نازیک ایشلی
شیرین کله جیلی ، شکر گولوشلو
بیر مرجان باخیشلی دوردانه دیشلی
بیر نازیک ایشلی
شکر گولوشلو
دوردانه دیشلی ، گل
بیر دورنا آوازلی ، بولبول نوالی
بیر عیسا نفسلی لقمان دوالی
بیر بنؤوشه ایگلی ، عنبر هوالی
بولبول نوالی
لقمان دوالی
عنبر هوالی ، گل
واقفم ، سئومیشم بیر شوخ دلبری
گؤزللر سرداری ، خوبلار سروری
آغیزلار تعریفی ، دیللر ازبری
بیر شوخ دلبری
خوبلار سروری
دیللر ازبری ، گل
دیوانه دور
شیرین حدیثین هر سؤزی مین گوهر یکدانه دور
انوارینا شمع روخون آییله گون پروانه دور
اوزون دور اول تابان قمر ، کانوار تابیندان اونون
خورشید و ماهین مشعلی دایم توتوشموش یانه دور
دؤرونده عینین ساغری صاحب طریقت سالکین
پیر مغان اولدی آدی سر حلقه میخانه دور
تسبیح ایله سجاده نی الدن بوراخ ای متقی
شول زولف و خالین باخ اون گؤرکی نه دام و دانه دور
عاشقلرین جانانه سی حقدور ، حقه وئر جانینی
نچونکی جانسیز قالیسیز اول جان کی بی جانانه دور
عشقین حدیثین گل ائشیت افسانیه وار اویما کیم
قرآنی ساتان واعظین نقلی اوزون افسانه دور
دوشمز خمارین رنجینه وحدت میندن تا ابد
چون مست حق کی ساقی سی شول نرگس مستانه دور
شول صورت رحمانه اول ساجد کی مردود اولمادی
اول اهل حق کی سجده سی شول صورت رحمانه دور
عارف گؤرندی ربنی گل ربنی گؤر عارف اول
محبوب اولان حقدن بوگون شیطانیلن بیگانه دور
مشگین ساچین زنجیرینه ، دوشدی نسیمی ای صنم
زنجیر زولفون قصدینه صید اولمویان دیوانه دور
عمادالدین نسیمی
آیریلیر
ای مسلمان لار مدد شول چشم فتان آیریلیر
آغلاماییم نئیلییم چون جیسمی دن جان ایریلیر
دلبرا هجرین الینده نئجه بیر زاری قیلیم
گؤزلریمدن ساناسان دریای عمان آیریلیر
رنگ چهرم زرد اولوبدور قامتیم همچو هلال
اول گونش یوزلو حبیبیم لاله خندان آیریلیر
گئتدی عقلیم گئتدی فهمیم قالمادی تنیمده جان
کونلومی شیدا قیلان شول چشم فتان آیریلیر
من کی اول روز عاشقی بیمار اولموشام
خسته کونلوم مرهمی شول درده درمان آیریلیر
محشر یوم الحساب اولدی قیامت باشیمه
شول یوسف صورتلی دیلبر پیر کنعان آیریلیر
چون نسیمی یارینی بولدی کونولدن ایچری
هر کیشی نین قیسمتی روز ازلدن آیریلیر
نسیمی
باخدیقجا
کونوللر قان اولور سنسیز ، گول گول حمیرایه باخدیقجا
گوزللر یاد ائدیر خورشید رویین ، آیه باخدیقجا
اگر گول لب لرین ، می مجلیسینده گئچسه خاطیردن
الیمده قان اولور بادم می مینایه باخدیقجا
فضای عشقده دیوانه لیک دن باشقا شئی یوخدور
بیلر افسانه در (( مجنون ایله لیلایه )) باخدیقجا
منیم عاشیق لیقیم مجنون دان آرتیق دیر بیلیر عالم
اونو یاد ائیله مز هر کیم من رسوایه باخدیقجا
طبیعتده نه گیزلین سرّلار وار ایندی ظاهیردیر
قالیر حیرت ده انسان هر بت زیبایه باخدیقجا
سنی گولزار ایچینده گول گوررکن یاد ائدر ائللر
منی خاطیرلایاللار بوبول شیدایه باخدیقجا
محبت سیز گوزل سیز گون گئچیرمک هئچ نه دیر (( واحید ))
یئنه سئومک ، سئویلمک یاخشی دیر دونیایه باخدیقجا
علی آقا واحد
محبت اهلینه
کونول وفاسیز اولان نازلی یاره یالوارما
نه اعتبار اونا ، بی اعتباره یالوارما
داریخما یاخشی یامان روزگاریمیز کئچه جک
بو بئش گون عومره گؤره ، روزگاره یالوارما
سنین ده بیر گون اولار نوباهارین ای بولبول
خزان جفاسینه صبر ائیله خاره یالوارما
فقیره ، عاجزه ، مظلومه احترام ائیله
عدویه قان ایچیه نه ظلم کاره یالوارما
وطن یولوندا اولوم مرد اوچون سعادت دیر
حیات اوچون فلک کج مداره یالوارما
مخالف اهلینه باش اَیمه سن ده منصور اول
اناالحق اوسته چکیلسن ده داره یالوارما
محبت اهلینه واحید همیشه خدمت ائله
نه تاجداره نه بیر شهریاره یالوارما
|
1- رحیم شهریاری دان بیر آذری آهنگ موبایل اوچون ( آختارما منی آختارما منی ، اینجیتمه منی یاندیرما منی ) | |
|
2- بیر گوزل آذری آهنگ ( باغا گیردیم بار اوچون،ناری دردیم یار اوچون، یاریم بی وفا چیخدی،حیفیم گلدی نار اوچون ) | |
|
3- بیر مولاییم آهنگ موبایل زنگی اوچون ( یوللارینا باخا باخا قالدی گؤزلریم ، سنه چاتسین ئورگیمده کی سؤزلریم ) | |
|
4- بیر شاد آذری آهنگ موبایل اوچون ( بیلمیرم باهار ندی باهار ندی یاز ندی ، چالیرام عشق هاواسین بیلمیرم ساز ندی | |
|
5- بیر غم آهنگ رحیم شهریاری دان ( چاغیریرام گل ، هارالاردا قالمیسان ، منی اینجیتمه ) | |
|
6- بیر شاد آذری آهنگ موبایل اوچون ( چیچک آچیر یازینان ، بولبول اوخور سازینان ، ... ) | |
|
7- بیر شاد آذری آهنگ سیزین موبایلیزا ( داغلاردا دومان گوزل ، دوزلرده جیران گوزل ، قاشلاری کامان گوزل ) | |
|
8- آهنگ نازلانا نازلانا رحیم شهریاری دان ( دو گه نازلانا نازلانا ، دو گه نازلانا نازلانا ، یاریم نازلانا نازلانا ، گوزل نازلانا نازلانا ... ) | |
|
9- آهنگ کوچه لره سو سپبیشم موبایل زنگی ( کوچه لره سو سپمیشم یار گلنده توز اولماسین ) | |
|
10- من عاشیقم آهنگی سیزین موبیلا ( من عاشیقم بیر آیا ، بیر اولدوزا بیر آیا ، بیر گونوم بیر ایل گئچیر ، نئجه دؤزوم بیر آیا ) | |
|
11- بیر شاد آهنگ سیزین موبایل زنگینه ( بیزدن آیاق کسن گوزل ، بیزدن آیاق کسن گوزل ، دو گه نازلانا نازلانا ، دو گه نازلانا نازلانا ، عاشیقینن کوسن گوزل ، عاشیقینن کوسن گوزل ، دو گل نازلانا نازلانا ، دو گه نازلانا نازلانا ) | |
|
12- بیر آرام آذری آهنگ موبایل اوچون ( منی سالدین سئوگی سئوگی آتشه ) | |
|
13- بیر سؤزسوز آذری آهنگ | |
|
14- بیر سوزسوز آذری آهنگ موبایل اوچون | |
|
15- بیکلام آذری آهنگ موبایل اوچون | |
|
16- بیر بی کلام آذری آهنگ موبایلیزا | |
|
17- آذری بیکلام موبایل زنگی | |
|
18 – آذری بی کلام موبایل آهنگی | |
|
19 – بیر غم آذری آهنگ موبایل اوچون ( یالواریرام گل ،منی آتما ، ترگ ائتمه ) | |
|
20- بیر شاد آذری آهنگی موبایل اوچون ( یولدا قالیب گؤزلریم ، سنه چاتسین سوزلریم ) | |
ساری بولبول
وطن باغی آل الواندیر
یوخ ایچینده خاری بولبول
عؤمور سورمه لی دوراندیر
سسین گلسین باری بولبول
سسین گلسین ساری بولبول
ساری بولبول ساری بولبول
اوخو قوشلار دیله گلسین
خوش نفسین ائله گلسین
یاریم گوله گوله گلسین
من چالاندا تاری بولبول
ساری بولبول ساری بولبول
گئیمیش دونون یاشیل چؤللر
هوسیندن آچیب گوللر
توکوب شیرین شیرین دیللر
گل اویاداق یاری بولبول
ساری بولبول ساری بولبول
بولبول سنین ایشین قاندی
عاشیقلر اودونا یاندی
ندن هر یئرین الواندی
کؤکسون آلتی ساری بولبول
ساری بولبول ساری بولبول
سؤزلر : اصلی و کرم داستانین دان گوتورولموش دور .
ساللانیب گلن دیلبر
یاخان دویمه له دویمه له
منی درده سالان دیلبر
یاخان دویمه له دویمه له
دردین آلیم دردین آلیم
دردین آلیم دردینی
منی درده سالان دیلبر
یاخان دویمه له یاخان دویمه له
یاشیللیقدا قوزو ملر
قوزو ملر ، چوبان گولر
سن کیمی بیر یوسما دیلبر =>=>=>=> یوسما = ظریف ، قشنگ
یاخان دیمه له یاخان دویمه له
کرم سنه نلر دئمیش
او دیل دوداغینی یئمیش
کتان کؤینک ، بندی گوموش
یاخان دویمه له دیومه له
دردین آلیم دردین آلیم
دردین آلیم دردینی
کتان کوینک ، بندی گوموش
یاخان دویمه له دویمه له
اولسا
یار اگر مهر و وفانی دوشونن یار اولسا
غم دئییل کی بوتون عالم بیزه اغیار اولسا
اهل دل ذوق و صفانی لب جانان دان آلیر
ظلم دور عاشیقه ، جانانی دل آزار اولسا
وار نه غم گؤزلرینین خسته سینه یوخدور علاج
لب لرین چاره سین ائیلر ، نئجه بیمار اولسا
زولف و خالین او مهین گؤز یاشیم ائیلر روشن
گئجه آیدینلیق اولار ، ثابت و سیار اولسا
یار اگر عاشیقه غمخوارلیق ائتمزسه نه غم
غم اودور اؤزگه یه معشوقه سی غمخوار اولسا
گؤزلرین شوق ایله قان تؤکمه گه چوخ راغیبدیر
مست دیر ، بونجا خطا ائیله مز هوشیار اولسا
وار امیدیم منه ، واحد داها ظلم ائتمه یه جک
حال زاریمدان او مهپاره خبردار اولسا
علی آقا واحید
